కుమార్తెకు మొదటి రుతుస్రావమా?

Kids

oi-Nageswara

By B N Sharma

Published: Wednesday, April 18, 2012, 11:31 [IST]

బాలికలకు మొదటి రుతుస్రావంతోనే యుక్తవయసు వస్తుంది. ఇది ఒక సహజ ప్రక్రియ అయినప్పటికి, జీవితంలో వారికి మొట్ట మొదటి అనుభవం కనుక కొంత ఆందోళన కలిగిస్తుంది. అందుకుగాను తల్లులు యుక్తవయసు వచ్చిన తమ కుమార్తెలను ముందుగా ఈ అనుభవాలగురించి తెలియచెపుతూ వారిని సిద్ధం చేయాలి. చాలామంది టీనేజ్ యువతులు వారి 12 నుండి 14 సంవత్సరాలలోపు రుతుస్రావం పొందుతారు. శరీరంలోని హార్మోన్ల స్ధాయినిబట్టి రుతుస్రావం త్వరగా రావటం లేక ఆలస్యం అవటం జరుగుతుంది. సరిగ్గా ఇదే సమయంలో వారి జననాంగాలు కూడా పని మొదలుపెడతాయి. తర్వాత ప్రతినెలా జరిగే ఈ రుతుస్రావానికై కొన్ని ఏర్పాట్లు చేసుకోవాలి.

లక్షణాలు గమనించండి.
యుక్తవయసు లో వచ్చే మొటిమలవంటివి పరిశీలిస్తే మొదటి రుతుస్రావం ఎపుడు వస్తుందనేది కనిపెట్టవచ్చు. స్తనాలు లో పెరుగుదల వుంటుంది. శరీరం ఆకారం మారుతుంది. జననాంగంపై వెంట్రుకలు రావటం మొదలవుతుంది.

1. జననాంగాల ఆరోగ్యాన్ని పరిశీలించాలంటే కూడా ఇది సరైన సమయం. మహిళల జననాంగాలు ఈ సమయంలో సిద్ధం అవుతాయి. అందుకని సరైన ముందస్తు సమాచారాన్ని బిడ్డలకు అందించాలి. జననాంగాల శుభ్రత, అవాంఛనీయ గర్భం, వ్యాధులు రావటం వంటివి వారికి తెలియజేయాలి.

2. కొంతమంది టీనేజ్ యువతులు స్కూళ్ళలో మొదటి రుతుస్రావం చేసుకుంటారు. అటువంటపుడు వారి బ్యాగులలో కొన్ని శానిటరీ ప్యాడ్లు వంటి వి వుంచాలి. ఈ ప్యాడ్లు ఒకటి లేదా రెండు అదనంగా వుంచితే, వేరే బాలికలకు కూడా ఉపయోగపడే అవకాశం వుంటుంది.

3. రుతుస్రావ ముందస్తు లక్షణాలు గుర్తించండి. రుతుస్రావానికి ముందు కడుపులో నొప్పి వంటివి వచ్చినా లేక తల తిరుగుతున్నా, కోపం చికాకు వంటివి కలుగుతున్నా ఆందోళన చెందకండి. వీటికిగాను ఒక పెయిన్ తగ్గించే టాబ్లెట్ వాడి ఊరట పొందండి.

4. శానిటరీ ప్యాడ్లు కనుక రుతుస్రావం ఆపలేకుంటే, పేంట్లకు లేదా స్కర్టుకు రక్తం అవుతుంది. కనుక అవసరమనుకుంటే లోదుస్తులుగా మరో జత ధరింపజేయండి.

5. మొదటి రుతుస్రావం ప్రతి బాలికకు వివిధ వయసులలో అవుతుంది. కాని కొంచెం అనుభం వస్తే వారు ఇతరుల అనుభవాలను తెలుసుకొని వారితో తమ అనుభవాలను పంచుకుంటారు. మరింత సమర్ధవంతంగా తమ సమస్యలను నివారించుకుంటారు.