చదువుతక్కువ....ఊబకాయం ఎక్కువ!

క్రమం తప్పకుండా వ్యాయామాలు, ఆటలు వంటివి చేస్తూ వుంటే బ్రెయిన్ కు ఆక్సిజన్ సరఫరా బాగా అందుతుందని జ్ఞాపక శక్తి అధికమై పిల్లలు చదువులలో మెరుగుగా వుంటారని అధ్యయనకారుడు డా. అరిక్ సిగ్మన్ వెల్లడించినట్లు టెలిగ్రాఫ్ పత్రిక పేర్కొంది.

తరగతి చదువులకంటే కూడా స్కూలు నిర్వహించే శారీరక శిక్షణలు విద్యార్ధులకు దీర్ఘ కాలంలో సత్ఫలితాలనిస్తాయని తెలిపారు. నేటిరోజులలో పిల్లలు, ఇంటర్నెట్, వీడియో గేమ్, టెలివిజన్ వంటి సాధనాలకు అలవాటుపడి శారీరక సామర్ధ్యం కోల్పోవటం, బ్రెయిన్ పదునెక్కకపోవడం వంటివి సాధారణమైందన్నారు. పదిమంది పిల్లలలో తొమ్మిదిమంది వారి శారీరక సామర్ధ్యం పొందటంలో విఫలమవుతున్నారట. వ్యాయామాలు బాగా చేసే విద్యార్ధుల బ్రెయిన్ సామర్ధ్యం సుమారుగా 12 శాతం పెరిగిందని కూడా వీరు వెల్లడించారు.