తాడుపై గెంతుతా....జీవితంలో ఎదుగుతా!

Kids

oi-Nageswara

By B N Sharma

Published: Monday, July 23, 2012, 11:15 [IST]

శారీరక వ్యాయామానికి వయసుతో, లేదా ఆడా, మగా అనే భేధంతో పని లేదు. పెద్దలమైన మనకు శారీరక వ్యాయామాల ప్రాధాన్యత తెలుస్తుంది. వ్యాయామం అంటే అదో పెద్ద పనిగా మనం దానిని ఎప్పటికపుడు రేపు చేద్దాంలే అని వాయిదాలు వేస్తూ ఉంటాం. కనుక చిన్న తనం నుండి వ్యాయామాలు చేయటం నేర్పిస్తే, పెద్దవారైన తర్వాత వీరు దానికి ఒక అలవాటుగా మార్చుకుంటారు. పిల్లలు గా ఉన్నపుడే, బాస్కెట్ బాల్, స్విమ్మింగ్, టెన్నిస్, సైకిలింగ్, వంటి వ్యాయామాలు వారికి ప్రవేశ పెట్టాలి.

2010 సంవత్సరంలో సైన్స్ డైటీ నిర్వహించిన ఒక రీసెర్చిలో పిల్లలకు 9 నుండి 10 సంవత్సరాల వయసులో శారీరక ఫిట్ నెస్ కు బ్రెయిన్ కు మధ్య గాఢమైన సంబంధం ఉందని తేలింది. శారీరకంగా బలంగా ఉన్న పిల్లలు, వారి చదువుల్లో బాగా ముందుంటారట. శారీరక ఆరోగ్యం అంతంత మాత్రం అయితే, చదువుకూడా అంతేనట. చదువులే కాదు, మీ పిల్లవాడు తాను ఆడే ఆటలు, క్రీడలలో కూడా మంచి నైపుణ్యం కలిగి ఉంటాడు. బహుశ ఏదో ఒకనాటికి వారు ప్రపంచ ఛాంపియన్ లు కూడా కావచ్చు. కనుక పిల్లవాడి మైండ్ మరియు శరీరానికి పనికివచ్చే వ్యాయామాలు తప్పక చేయించండి.

మరి పిల్లలకు ప్రతిరోజూ ఏ రకమైన వ్యాయామాలు బాగుంటాయి?
1. బార్ వ్రేలాట - పిల్లలు హారిజంటల్ బార్ పై తమ స్నేహితులను చూసి అదే విధంగా చేయాలని కూడా ప్రయత్నిస్తారు. ఇది వారి చేతులు, భుజాలు బలపరుస్తుంది.

2. అదే విధంగా అతని భుజాలకు, వెన్నుకు సంబంధించిన కొన్ని అరబిక్ వ్యాయామాలు చేయిస్తే, పుస్తకాల సంచులు మోసేందుకు తేలికగా కూడా ఉంటుంది.

3. స్కిప్పింగ్ - చిన్నవయసులోనే స్కిప్పింగ్ రోప్ ఆట ఆడిస్తే వారికి ఎంతో మంచిది. దీనితో పిల్లలలో ఏకాగ్రత పెరుగుతుంది.

4. స్పాట్ రన్నింగ్ - ఒకే చోట నిలబడి వేగంగా పరుగెత్తించండి. చెవులకు ఆహ్లాదంగా మ్యూజిక్ పెట్టండి. నిద్ర లేవగానే ఈ రపని చేయిస్తే, చాలా మంచిది. ప్రతిరోజూ పది నిమిషాలు ఈర స్పాట్ రన్నింగ్ చేస్తే బిడ్డకు ఎంతో ఎనర్జీ వస్తుంది.

5. ఒంటికాలి గెంతుడు - సాధారణంగా పిల్లలు నేలపై గడి గీసి ఒంటి కాలితో గెంతి ఆడతారు. ఈ ఆట వీరికి ఎంతో శారీరక బలం ఇస్తుంది.

కనుక పిల్లలకు ఆనందంగా ఉండాలంటే, చిన్నపుడే, ఆటలు, క్రీడల వంటివి నేర్పించి వారు వాటిని ఆడేలా చేయండి. అదే వారికి శారీరక వ్యాయామంగా కూడా పనిచేస్తుంది. శారీరకంగానే కాక వారు మానసికంగా ఎంతో ఫిట్ అయి చదువులలో ముందుంటారు.