పిల్లలతో ఆధునిక తల్లుల అగచాట్లు!

Kids

oi-Nageswara

By B N Sharma

Published: Tuesday, February 21, 2012, 11:05 [IST]

తమ పిల్లల కోర్కెలు తీర్చని తల్లులకు కష్టాలు తప్పటంలేదు. పిల్లలకు తల్లులకు మధ్య గల సంబంధాలు చెడుగా పరిణమిస్తున్నాయి. పిల్లలలో కొత్తగా రిలీజ్ అయ్యే హార్మోన్లు, కోపాలు, తాపాలు, దురుసు ప్రవర్తన, అసమంజసమైన కోర్కెలు. రోజుకో కొత్త డిమాండు. వీటితో వారి గుణాలను అర్ధం చేసుకోవడం తల్లితండ్రులకు కష్టమైపోతోంది. వారితో ప్రతిరోజూ విభేధించేకంటే రాజీ పడి వారి కోర్కెలను తీర్చటం ఉత్తమమనే మార్గంలోకి ఆధునిక తల్లులు వచ్చేస్తున్నారు. వారితో స్నేహితులుగా తయారైపోతున్నారు. టీనేజ్ వచ్చిందంటే ఒక ఐ ఫోన్ తప్పని సరి. పిల్లలు కోరే బ్రాండెడ్ దుస్తులు, షూస్, మొదలైనవి వారి ఎంపిక మేరకు కొనాల్సిందే. లేదంటే విభేధాలు తప్పవు, నేటి తరం ఈ పిల్లలతో వ్యవహరించటానికి తల్లులు ఎంతో తెలివి ప్రదర్శించాల్సివస్తోంది. వారడిగే కోర్కెలు తీరుస్తూనే, తల్లులు కూడా వారికి చదువులో మొదటి ర్యాంక్ లలో వుండాలనే డిమాండ్లు పెడుతున్నారు.

మరోవైపు తమ పిల్లలు అబద్ధాలు కరూడా చెప్పుతున్నారన్న ఆందోళన కూడా తల్లులకు వుంది. ఏదో ఒక రకంగా కధలు చెప్పి పిల్లలు కష్టాలలో పడుతున్నారు. కనుక వారికి వీలైనంత దగ్గరగా వ్యవహరించటానికి తల్లులు చూస్తున్నారు. టీనేజ్ గాల్స్ అయితే, పార్టీలు, నైట్ అవుట్ లు, టీనేజ్ యువకులైతే, తమ గాల్ ఫ్రెండ్ ని ఇంటికి తీసుకు వస్తానని కూడా తల్లులను కోరడంతో, గత్యంతరం లేని తల్లులు, వీరి డిమాండ్లకు తల ఒగ్గి, వారి సమక్షంలో పార్టీలవంటివి ఏర్పాటు చేయడం కాకూడా వుంది.

ఈ సమస్యలకు పరిష్కారంగా నిపుణులు, పిల్లలతో తల్లులు ఎట్టి పరిస్ధితిలోను సత్సంబంధాలు కలిగి వుండాలనే అదే సమయంలో వారి వ్యక్తిగత విషయాలలో చాలా వరకు జోక్యం చేసుకోరాదని వారి దిన చర్యలపై ఒక కన్ను వేసి వుంచాలని చెపుతున్నారు. పరిష్కారం అంటే వారి డిమాండ్లకు వ్యతిరేకత చూపరాదు. అదే సమయంలో వారి డిమాండ్ కు ప్రతి డిమాండ్ పెట్టి వారు వారి కెరీర్ లో అభివృద్ధి చెందేలా చూడాలని నిపుణులు తెలుపుతున్నారు. కనుక తల్లులు ఒక వైపు తమకుగల వారి సంబంధాలు కాపాడుకుంటూ మరోవైపు పిల్లల ప్రపంచంలోకి అడుగిడాల్సిన మధ్యే మార్గం వుంటుందని సూచిస్తున్నారు.