బిడ్డను బడికి తయారు చేయడం ఎలా?

Kids

oi-Nageswara

By B N Sharma

Published: Saturday, April 21, 2012, 11:32 [IST]

మీ పిల్లాడిని స్కూలుకు పంపే మొదటిరోజు మీకు ఒక చిన్నపాటి యుద్ధమే. పిల్లలు ఎన్నో మాయమాటలు చెపుతారు. వారికి నచ్చచెప్పటం మీకు సమస్యే. కనుక ముందుగానే వారిని సంసిద్ధులను చేసి వుంచాలి. స్కూలుకు మొదటగా వెళ్ళటమనేది మీకు మీపిల్లాడికి మధ్య కొంత దూరం ఏర్పడినట్లే. బేబీగా వున్నపుడు మీకు బొడ్డుతాడుతో అనుసంధానం. మొదటి మూడు సంవత్సరాలు మీరు బిడ్డను ప్రేమగా సాకటం. మరి ఆ తర్వాత మీకు విడివడి బిడ్డ బడికి వెళ్ళాలంటే మీకూ మరియు బిడ్డకు కూడా సమస్యగానే వుంటుంది. కాని బిడ్డ భవిష్యత్తు కారణంగా, అతని వ్యక్తిత్వం చేర్పడేందుకుగాను మీరు అతనిని స్కూలుకు తప్పనిసరిగా పంపాల్సిందే.

మీ బిడ్డను స్కూలుకు తయారు చేసేందుకు కొన్ని చిట్కాలు.
పిల్లవాడితో అబద్ధం చెప్పకండి - ఏదో మాయమాటలు చెప్పి స్కూలువరకు తీసుకెళ్ళి లోపల వదిలేద్దాం అనుకోకండి. అది చాలా తప్పు. మొదటి సారి స్కూలుకు వెళ్ళడం అతనికి భయంతో కూడిన ఒక అనుభవం. అతనికి మానసిక సంసిద్ధత కావాలి. అందుకని వాస్తవం చెప్పండి.

పెద్ద మార్పు - మీ బిడ్డ స్కూలుకు వెళ్ళటం మొదలుపెట్టాడంటే అది అతని జీవితంలో పెద్ద మార్పు తెస్తుందని గ్రహించండి. తర్వాతిదశలో ప్రైమరీ స్కూలు, హైస్కూలు, కాలేజి, తర్వాత ఉద్యోగం అతను చేయాలి. ఎంతో హాయిగా వున్న తన శిశువు దశను అతను కోల్పోతున్నాడు. ముందుగా ఈ పరిస్ధితి మీరు అర్ధం చేసుకుంటే, బిడ్డకు నచ్చ చెప్పవచ్చు.

మీ మొదటి రోజు - మీరు స్కూలులో అడుగు పెట్టిన రోజు గుర్తు తెచ్చుకోండి. అపుడు మీరు అతనికి ఎలా తెలియజెప్పాలనేది గ్రహించగలరు.

మీరు గట్టిగా కూడా వుండాలి - పిల్లవాడు ఏడిస్తే మీరు కరిగిపోయి బడి మానిపించరాదు. అది వాడికి ఏ మాత్రం ప్రయోజనం కాదు. కనుక మీరు గట్టిగా వుండి బేబీ ఏడ్చినా సరే స్కూలుకు పంపేలా వుండాలి. అది అతని ప్రయోజనం కొరకు అని గ్రహించండి.

స్కూలు ప్రయోజనాలు - బిడ్డ స్కూలుకు వెళితే, అతను స్నేహితులను కలవవచ్చని, మంచి యూనిఫారం వేసుకోవచ్చని ఇంకా ఆసక్తి కలిగించే పనులు చేయవచ్చని వివరించండి. స్కూలు ఒక శిక్ష కాదని, జీవితంలో కొత్త అంశాలకు మార్గమని తెలుపండి. అతనికిష్టమైన ఆంటీ ఇంటికి వెళ్ళినట్లు అక్కడ మమ్మీ, డ్యాడీ వుండరని తెలుపండి.

ఈ చిట్కాలు ఉపయోగించి తల్లితండ్రులు తమ పిల్లలను స్కూలుకు తేలికగా పంపవచ్చు.