పిల్లల ఒత్తిడి తగ్గించడమెలా?

పిల్లలకు ఒత్తిడి కలిగించే అంశాలు
ఒత్తిడి అంటే అది మనపై కొన్ని డిమాండ్లు పెట్టి వాటిని నెరవేర్చే శక్తి మనకుండాలని పరీక్షిస్తుంది. ఈ డిమాండ్లు సాధారణంగా బయటనుండే అంటే, కుటుంబం, ఉద్యోగం, స్నేహితులు లేదా స్కూలు వంటి వాటినుండి వస్తాయి. అంతేకాదు మనలోనుండి కూడా పుట్టుకువస్తాయి. మన ఆలోచన, మనం చేయగలిగిన పనులు నుండి కూడా ఒత్తిడి కలుగుతుంది. కనుక ఒత్తిడి అనేది ఎవరైతే ఆందోళన చెంది అన్నీ చేయాలనుకుంటారో వారికి వుంటుంది. వారు పిల్లలైనా సరే. పిల్లలు పెద్ద వారయ్యేటప్పటికి విద్యాపర మరియు సామాజిక అంటే వారు సమాజంలో సర్దుబాటు చేసుకోవడం వంటి వాటిలో ఒత్తిడి వస్తుంది.

చాలామంది పిల్లలు స్కూలు నుండి వచ్చి చక్కటి ఆలోచన చేయటానికి లేదా ఆటలు ఆడటానికి కూడా ఎంతో బిజీగా వుండిపోతారు. అటువంటి పిల్లలతో మీరు మాట్లాడాలి. వారి బయటి చర్యలగురించి ఏమని భావిస్తున్నారో తెలుసుకోవాలి. వారు ఫిర్యాదులు చేస్తే, వారు నిలుపు చేసే చర్యలకు పూర్వాపరాలు చర్చించాలి. అది ఆపటం సరికాదనుకుంటే మీరు మీ పిల్లవాడి సమయాన్ని ఆందోళన లేకుండా ఆ పనులు చేయటానికి సహకరించండి.

పిల్లల ఒత్తిడి వారి జీవితాలలో జరిగేదానికంటే పెరిగిపోతూంటుంది. మీ పిల్లలు తమ పనిలోని కష్టాలగురించి మాట్లాడుతూంటే, లేదా బంధువు జబ్బు గురించి చెపుతూంటే లేదా మీ భార్యతో ఆర్ధిక విషయాలు మాట్లాడితే, వరు వాటిని ఎలా చర్చిస్తున్నారనేది తెలుసుకోవాలి. పిల్లలు అక్కడ వున్నపుడు ఆందోళన కలిగించే అంశాలు తల్లితండ్రులు చర్చించరాదు.

ప్రతిరోజూ టి.వి.లలో వచ్చే వార్తలు కూడా పిల్లలకు ఒత్తిడి కలిగిస్తాయి. అందులో కనపడే ప్రకృతి భీభత్సాలు, యుద్ధాలు, ఉగ్రవాదం, మొదలైనవి వారి స్వంత భద్రత గురించి ఆలోచింపజేస్తాయి. పిల్లలు చూసే అంశాలపై మీరు చర్చించండి. వారు టి.వి.లలో చూసే అంశాలు వారికి వివరించండి. దానితో వారు అసలు ఏం జరుగుతోందనేది తెలుసుకొని ఒత్తిడి తగ్గించుకుంటారు.