పిల్లలు శిక్షణలో వెనుకబడుతున్నారా?

By B N Sharma

Published: Tuesday, February 7, 2012, 15:10 [IST]

చాలామంది పిల్లలకు నేర్చుకునే విషయంలో కొన్ని అశక్తతలుంటాయి. అయితే, ఈ రకమైన అశక్తతలు వారి భవిష్యత్తుకు అడ్డంకి కాదంటారు నిపుణులు. కొన్ని అంశాలను కొంతమంది పిల్లలు ఎంతో తేలికగా చేస్తే మరికొందరు వాటిని ఎంతో కష్టంగా భావిస్తారు. ఈ రకమైన అశక్తులైన పిల్లలకు ప్రత్యేక శ్రధ్ధ చూపాలి. వీరికి శిక్షణ నిచ్చేటపుడు తేలికైన పద్ధతిలో వారు నేర్చుకునే అంశాలను ఒక క్రీడవలే శిక్షణ నివ్వాలి.

నేర్చుకొనడంలో అశక్తులైన పిల్లలకు నేర్పించే విధానం మారాలి. పుస్తకం, పెన్ను వంటి వాటితో కాకుండా ఊహించమనటం, కనుగొనమనటం, గాలిలో రాసి నేర్పించడం, బొమ్మల పుస్తకాలు చూపడం, వంటి వాటితో నేర్పించాలి. సెంటు, రుచి, కదలికలు, వినికిడి సాధనాలుగా వాడాలి. పిల్లలు చదివింది కధగా చెప్పమనడం లేదా వారినే నటించమనడం కూడా చేయాలి. పోస్టు కార్డులు తెప్పించి వాటిపై బంధువులకు, స్నేహితులకు లెటర్ వ్రాయమనాలి. ఇంటిని వరుస క్రమంలో ఆల్ఫాబెట్లతో నింపమనాలి. వంటల పుస్తకాలు ఇచ్చి వాటిని చదివించి పదార్ధాలు తయారు చేయాలి.

నేర్చుకునే సామర్ధ్యాలకు వారి తెలివితేటలకు సంబంధంలేదనేది గుర్తుంచుకోండి. పిల్లాడికి ఇష్టమైన రంగంలో అతను ఎదిగేలా చేయండి. క్రీడలు, ఆటలలో ఆసక్తి వుంటే అతని తెలివి వాటిలో వికసించేలాచేయండి.