పిల్లలపై తల్లితండ్రుల అధిక ప్రేమ!

ఈ రకంగా పెంచే పిల్లలు, బాగా సున్నితంగా తయారవుతారు. గతంలో మనం పొందిన పెంపకాలకంటే, ఇపుడు ఒకరిద్దరి పిల్లల పెంపకాలు మరింత సున్నితంగా తయారయ్యాయి. నేటి తరం పిల్లలుకు ముద్దుముచ్చట్లు గారాబాలు అధికంగానే అందుతున్నాయి. దానితో వారు చాలా సున్నితంగా తయారై జీవితంలో కష్టాలను ఎదుర్కొనే సామర్ధ్యాలను కోల్పోతున్నారు. పైపెచ్చు అమిత ప్రేమాప్యాయతలతో విసుగెత్తిన వీరు తమ టీనేజ్ వచ్చేసరికి తల్లితండ్రులను తమ జీవితాలలో జోక్యం చేసుకోవద్దని కూడా చెపుతున్నారు.

ఈ రకంగా పిల్లలపై తల్లితండ్రుల నియంత్రణ అధికంగా వుంటోందని హార్వర్డ్ సైకాలజిస్టు జెరోమ్ కాగన్ చెపుతున్నారు. పిల్లలు తమ జీవితంలో వచ్చే కష్టనష్టాలను ఎదుర్కొనలేరని భావించవద్దని, వారు కొన్ని తప్పులను చేసినప్పటికి, తల్లితండ్రులు, సలహా సంప్రదింపులకు పరిమితమవుతూ వారి జీవితాలను వారు ఎదుర్కొనేలా చేయాలని వీరు చెపుతున్నారు.