శరీరంలో కంపుకొట్టే భాగాలు!

1. జననాంగాలు - జననాంగాలు త్వరితంగా మురికిపట్టి వాసన వచ్చేస్తాయి. దీనికి కారణం అవి వేడిగా, చెమటతో వుండి అనేక గ్రంధులు కలిగి వుండటమే. గ్రంధులనుండి తయారైన ద్రవాలు వెంట్రుకల కుదుళ్ళనుండి వేగంగా బయటకు వచ్చే అవకాశం కూడా వుంది. ఇది యోనిలో కలిగి ఇన్ ఫెక్షన్ వచ్చే ప్రమాదం కూడా వుంది. ఈ భాగాలు చాలావరకు బయటిగాలి తగలకుండా వుంటాయి. సింధటిక్ దుస్తులతో కప్పబడతాయి ఈ దుస్తులు చెమటను పీల్చవు. కనుక అక్కడ తేమ వుండి బాక్టీరియా చేరుతుంది.

2. చంకలు - శరీర కంపు అనగానే ప్రతి ఒక్కరికి చంకలు గుర్తు వస్తాయి. ఈ భాగంలో వెంట్రుకలు వుండి చెమట గ్రంధులు చాలా వుంటాయి.

3. పాదాలు - పాదాలు కూడా వాసన వస్తాయి. చాలామంది షూస్ వంటివి ధరించి రోజులో చాలా భగం పాదాలను మూసి వుంచడంతో అవి చెమట పట్టి వాసన వస్తాయి. బాక్టీరియా చేరి వాసనతో పాటు పాదాల వేళ్ళ మధ్య ఇన్ ఫెక్షన్ కూడా వస్తుంది.

4. నోరు - నోటిలో మనం తిన్న ఆహారం కారణంగా కొంత వాసన ఏర్పడుతుంది. కాని చిగుళ్ళలో నిలబడే బాక్టీరియా వలన, నాలిక పాచి పట్టడం వలన కూడా వాసన వస్తుంది. కడుపులో ఏర్పడే వ్యాధులు, గ్యాస్ మొదలైన వాటికారణంగా శ్వాసలో వసన వస్తుంది. శ్వాసలో చెడువాసనలు డయాబెటిస్, గ్యాస్ వ్యాధులు, కిడ్నీ వ్యాధులు కల పెద్దవారిలో అధికంగా వుంటాయి.

5. మాడు లేదా తలపై భాగం - తల వెంట్రుకలు షాంపూ వంటి వాటితో సరిగా పోషణ చేయని వారికి తలభాగం వాసన వస్తుంది. తలలో వుండే నూనె గ్రంధులు బాక్టీరియా ఎదుగుదలకు తోడ్పడి వాసన కలిగిస్తాయి. టోపీ వంటివి ధరించేవారికి తలమాడు మరింత వాసన వస్తుంది.

పైన తెలిపిన శరీర భాగాలను పిల్లలు, పెద్దలు, ప్రతిరోజూ శుభ్రపరచుకోవడం చేస్తే, చర్మానికి వచ్చే వ్యాధులను కొంతమేరకు అరికట్టవచ్చు.