టీనేజ్ పిల్లల ఆటలు ఎలా?

Kids

oi-Nageswara

By B N Sharma

Published: Thursday, February 23, 2012, 11:36 [IST]

నేటి రోజుల్లో టీనేజర్లు ఆండ్రాయిడ్ పరికరాలకు ఆసక్తి చూపుతున్నారు. మార్కెట్లో దొరికే ఆండ్రాయిడ్ ఆటలు వీరిని బాగా ఆకర్షిస్తున్నాయి. దానికి కారణాలేమిటనేది పరిశీలిద్దాం. ఈ ఆటలలో చిన్నపాటి గ్రీన్ రాబోట్ ప్రత్యేక ఆకర్షణ. సాధారణంగా ఇది ప్రతిచోటా కనపడుతూనే వుంటుంది. ఆండ్రాయిడ్ యాప్స్ మరియు ఆటలు అన్ని వయసులవారిని ఆకర్షిస్తూనే వున్నాయి. పిల్లల ఆటలకు ఆండ్రాయిడ్ ప్రసిద్ధి. వీటిలో ఆర్కేడ్ మరియు యాక్షన్ కేజువల్, కార్డ్ అండ్ కేసినో ఆటలు, రేసింగ్ గేములు, స్పోర్ట్ గేమ్ లు వున్నాయి.

ఇదే రకమైన ఆటలు వేరేవారివద్ద ప్రపంచంలో ఎక్కడున్నాసరే వారితో వీరు ఆడవచ్చు. ఈ ఆటలకు సంబంధించిన చిత్రాలు, టి షర్టులు, మొబైల్ కవర్, బ్యాగ్, టిఫిన్ బాక్సులపై వుండటం చూస్తూనే వున్నాము. ఈ ఆటలలో పక్షులను, పందులను మొదలైనవాటిని వేటాడటం వంటివికూడా చేయవచ్చు. గేమ్ ఆడుతున్న కొద్ది కొత్త పక్షులు, జంతువులు వస్తూనే వుంటాయి.

ఈ రకమైన ఆండ్రాయిడ్ గేములు ఆడటం మొదలుపెడితే, అధిక సమయం పిల్లలు కంప్యూటర్లు, ట.వి.స్క్రీనులు లేదా మొబైల్ వంటి వాటి ముందు కూర్చుంటారు. ఈ ఆటలవలన టీనేజ్ పిల్లల తెలివి తేటలు కూడా అధికమవుతాయని నిపుణులు చెపుతున్నారు. కనుక తక్షణమే ఎక్కడైనా సరే ఒక ఆండ్రాయిడ్ పరికరం కొనుగోలు చేసి మీ కిష్టం కలిగించే ఈ ఆటలు ఆడేయండి.