పిల్లలతో ఎప్పటికి అనకూడని విషయాలు!

1. నీ వయసులో వున్నపుడు నేను ఎంతో భాధ్యతగా వుండేవాడిని - ఈ మాట అంటే చాలు పిల్లలు కోపం తెచ్చుకుంటారు.
2. నీవు ఎల్లపుడూ తప్పుడు నిర్ణయాలే తీసుకుంటావు - ప్రతివారూ తప్పులు చేస్తారు. అలానే మీ బిడ్డ. ఇంకా నేర్చుకునే దశలోనే వుంది. కనుక మీరు ఆమె లేదా అతనిని నిందించాల్సిన అవసరం లేదు. ఒక తల్లి లేదా తండ్రిగా మీరు వారికి మార్గదర్శకులుగా వుండాలి.
3. నీ సోదరుడు లేదా సోదరిలా నువ్వు ఎందుకు వుండలేవు? ఇది కూడా అసమంజసమైన పోలికే. అంతేకాదు వారిపట్ల ద్వేషం పెంచుతుంది. పోటీ తత్వం పెరుగుతుంది. వ్యతిరేక భావనలు ఏర్పరచుకుంటారు. కనుక పిల్లలకు ఇటువంటివి చెప్పకండి.
4. నన్ను ఒంటరిగా వుండనివ్వు! - మనకు ఎన్నో పనులుండేమాట వాస్తవమే. కాని పిల్లలు వాటి ప్రాధాన్యతలను గ్రహించలేరు. అసహనంగా మీరు ఈ మాట అంటే పిల్లలు తమను అశ్రద్ధ పరచినట్లు భావించి మనోవేదనకు గురవుతారు. కనుక మీరే కొంచెం సహనం చూపండి.
5. నువ్వు సిగ్గు పడాలి - ఈ మాటంటే ఏ పిల్ల లేదా పిల్లాడైనా సరే చాలా అవమానించినట్లు భావిస్తాడు. చెడుగా భావిస్తాడు. వెంటనే మరింత అల్లరిగాను కఠినంగాను తయారయ్యే ప్రమాదం వుంది. ఇలా అనే కంటే వారికి మంచి ఏదో, చెడు ఏదో విడమరచి చెప్పటం మంచిదిగా భావించాలి.