చిన్న వయసు తల్లులు స్నేహితులను కలవాలంటే?

By B N Sharma

Published: Monday, April 9, 2012, 10:52 [IST]

చిన్న వయసులోనే తల్లి అయిన యువతులకు బేబీ కారణంగా స్నేహితుల సంఖ్య ఎనిమిది రెట్లు పెరుగుతుందని ఒక సర్వే తెలియజేస్తోంది. ఆమెకు ఈ రకంగా స్నేహితులు ఎక్కడ పెరుగుతారంటే, బేబీని చేర్పించిన స్కూల్ ఆట స్ధలంలో అని కూడా స్టడీలు చెపుతున్నాయి. తల్లి అవగానే పాత స్నేహితులు, పాత పరిచయాలు వెనుకబడటం ప్రతి యువతికి ఆందోళన కలిగిస్తుంది. బేబీ పుట్టటంతోటే ఆమె జీవితం మారిపోతుంది. ఈ కారణంగా చాలామంది కొత్తగా తల్లులైన యువతులు తమ స్నేహితులను కోల్పోయినందుకు విచారంగా వుంటారు. అయితే, బిడ్డకు సంబంధించిన ఆలనా పాలనా, బిడ్డను ప్రతిరోజూ ప్లేస్కూల్ వద్ద దింపటం, మరల ఇంటికి తీసుకు వెళ్ళడం వంటి చర్యలతో కొత్తవారి పరిచయాలు కూడా వీరికి ఏర్పడుతూంటాయి. బిడ్డపుట్టగానే తల్లి లేదా తండ్రి కి ప్రతిరోజూ కొన్ని కొత్త పనులు ఆచరించటం అలవాటు అవుతుంది.

వాటిలో భాగంగా కొత్త పరిచయాలు కలిగి కొత్త స్నేహితులు ఏర్పడతారు. తరచుగా ఇతర పిల్లల తల్లి తండ్రులను కలుస్తారు. బేబీ యొక్క స్కూల్ ప్లే గ్రౌండ్ లో వీరికి షుమారుగా 44 శాతం కొత్త పరిచయాలు ఏర్పడతాయని స్కూళ్ళలోను, కాఫీ షాపులలోను మరికొంతమంది స్నేహితులు ఏర్పడగలరని స్టడీ తెలుపుతోంది.

ఆన్ లైన్ ఛాటింగ్, ఫేస్ బుక్ వంటివి కూడా కొత్త పరిచయాలు ఏర్పరుస్తున్నాయి. వీరి ఛాటింగ్ లలో కూడా పిల్లల అంశం బాగా చోటు చేసుకుంటోంది. సగం మంది తల్లులు ఇ మెయిళ్ళలో ఇతర తల్లితండ్రులను సంప్రదిస్తున్నారు. ఈ రకంగా కొత్తగా తల్లులైన చిన్న యువతులకు పరిచయస్తులు, స్నేహితులు ఏర్పడే ప్రదేశాలు షుమారుగా పది వరకు వుంటాయని, అవి -
1. స్కూల్ ఆటస్ధలం
2. తల్లి, బేబీల గ్రూపులు
3. నర్సరీ
4. కాఫీ ప్రదేశం
5. జిమ్
6. స్కూలు ప్రోగ్రాములు
7. వ్యాయామ తరగతులు
8. చర్చి
9. గ్రామ సభ
10. విరాళ సేకరణ

ఈ పది ప్రదేశాలలోను కనపడిన ఇతర తల్లితండ్రులతో తమ బేబీల గురించిన చర్చలు వస్తూనే వుంటాయని రీసెర్చి చెపుతోంది. అన్నిటికి మించి స్కూల్ ఆట స్ధలం ప్రధానమైనదని గుర్తించింది.

Comments

Story first published: Monday, April 9, 2012, 10:52 [IST]

Latest Updates

Young Moms To Meet New Friends! | బేబీతో ఏర్పడే కొత్త పరిచయాలు!