తండ్రిగా బాధ్యత నిర్వర్తించేటప్పుడు వదులుకోవాల్సిన 10 దురలవాట్లు

1.అస్థిరత

మీరు కనుక ఒక నియామాన్ని విధిస్తే దానికి కట్టుబడి ఉండండి.మీరు అప్పుడప్పుడు మాత్రమే కఠినం గా ఉంతూ కొన్ని సార్లు నియమాలు సడలించడాన్ని మీ పిల్లలు గమనిస్తే వారు క్రమశిక్షణ ని తేలికగా తీసుకుని మీరు పెట్టిన పరిమితుల ప్రాముఖ్యాన్ని అర్ధం చేసుకోరు.

2.మద్దత్తు

మీ పిల్లల వెనుక మీరు కొండ లా నిలబడి అవసరమైనప్పుడు మీరున్నారనీ, మీ మీద ఆధారపడచ్చన్న నమ్మకాన్ని కలిగించాలి.

3.స్మార్టు ఫోనులని పక్కన పెట్టండి

మీ పిల్లలతో మీకు అనుబంధం బలపడాలంటే మొదట మీకున్న స్మార్ట్ ఫోను కి అతుక్కోవడమనే దురలవాటుని మానాలి.ఎప్పుడూ వాటికి అతుక్కుని కూర్చోవడం కాదు మీ పిల్లలతో కూడా నాణ్యమైన సమయం గడపాలని మర్చిపోవద్దు.

4.కొన్ని విషయాల్లో హద్దులు విధించండి

మీ పిల్లలతో స్నేహితుల్లా ఉందామనుకున్నా సరే మీరు మొదట ఒక పేరెంట్ అని మర్చిపోవద్దు.వారు సమయం, డబ్బు, నీతీ నిజాయితీల ప్రాముఖ్యత తెలుసుకోవాలంటే వారికి కొన్ని విషయాలలో హద్దులు విధించాలి.

5.”కాదు” అని చెప్పకపోవడం

వారు అడిగినవన్నీ కాదనకుండా కొన్నివ్వడం లేదా చెప్పిన వాటికల్లా తలాడిస్తుంటేనే మీరు వారిని ఎక్కువ ప్రేమిస్తున్నారని కాదు. తిరస్కారాన్ని కూడా శిరసావహించడం నేర్పించాలి.అవసరమైనప్పుడు వారికి "నో" చెప్పడం లో తప్పు లేదు.

6.ఎప్పుడూ బిజీ బిజీ గా ఉండటం

మీ ఆఫీసు ని ఇంటిదాకా తీసుకురావద్దు.ఆఫీసే కాదు మీ కుటుంబ సభ్యులు కూడా మీ సమయాన్ని కోరుకుంటారు.మీ పిల్లలు అనుబంధాల ప్రాముఖ్యత తెలుసుకుని బంధాలని కాపాడుకోవడమెలాగో గుర్తెరగాలంటే వారితో మీరు నాణ్యమైన సమయం గడపడం ముఖ్యం.

7.భయపెట్టడం

ఎప్పుడూ మీకు నచ్చినట్లే మీ పిల్లలు ఉండాలనుకుంటే వారు తిరగబడే ఆస్కారం ఉంది.వారి స్వతంత్ర్య వ్యక్తిత్వాన్ని కూడా గుర్తించి కితాబులివ్వండి.

8.ఎప్పుడూ ఇతరులతో పోల్చడం

పిల్లని ఎప్పుడూ ఇతరులతో పోలుస్తోంటే వారి మీద వారికి గౌరవం పోవడమే కాదు తమ మీద తమకి ఉన్న నమ్మకాన్ని, ఆత్మ విశ్వాసాన్నీ కోల్పోయే ప్రమాదం ఉంది.వారు ఆత్మ విశ్వాసాన్ని కోల్పోయేటట్లు ప్రవర్తించకండి.

9.వారు చెప్పేది వినకపోవడం

ఎప్పుడూ మీ సూక్తులని వల్లించడమే కాదు వారి చిన్ని బుర్ర లో ఏముందో కూడా వింటూ ఉండండి.

10. దురలవాట్లు మానుకోకపోవడం

మీకు త్రాగుడు, సిగరెట్ కాల్చడం లాంటి దురలవాట్లుంటే కనీసం మీ పిల్లల ముందైనా వాటిని ప్రదర్శించకండి.