మీ పిల్లలను క్రమశిక్షణతో పెంచడానికి సింపుల్ టిప్స్

టైమింగ్స్

ప్రతి రోజూ ఒకే సమయం ఫాలో అవ్వండి. అంటే.. భోజనం, నిద్ర, టీవీ చూడటం వంటివన్నింటికీ.. ఒక సమయాన్ని కేటాయించి.. ఆ సమయంలో అది చేయాలని చెప్పాలి. దీనివల్ల కొన్ని రూల్స్ ని ఎలాంటి వాదన లేకుండా ఫాలో అవ్వాలని పిల్లలకు తెలుస్తుంది.

తమ వస్తువులు

ఎక్కడికైనా బయటకు వెళ్లాల్సి వచ్చినప్పుడు.. ఫుడ్, వాటర్ బాటిల్ తీసుకెళ్లడాన్ని నేర్పించండి. దీనివల్ల సూపర్ మార్కెట్ లో లేదా బయట ఎక్కడైనా.. వాటర్, ఫుడ్ కోసం గొడవ చేయకుండా ఉంటారు.

ప్రతిసారీ నో చెప్పకుండా

పిల్లలు అడిగినప్పుడు ప్రతిసారీ నో చెప్పడం వల్ల వర్కవుట్ అవదు. కాబట్టి.. కారణం చెప్పడం, ఛాయిస్ లు ఇవ్వడం వంటివి పాటించండి. ఉదాహరణకు డిన్నర్ కి పిజ్జా కావాలని మారాం చేస్తే.. ఇంకొక రోజు తిందాం అని చెప్పాలి.

ఓకే చెప్పడం

వాళ్లకు కావాల్సినది ప్రతిదీ పొందలేరని వివరించాలి. ఏడుస్తున్నారని.. ఏది కావాలంటే అది ఇవ్వడం మంచిది కాదు. ఇదే తంత్రం ఫాలో అయిపోతారు. కాబట్టి.. చిన్నప్పటి నుంచే.. ఏది ముఖ్యం, ఏది అనవసరం అనేది తెలుసుకునేలా సర్ధిచెప్పాలి.

కొట్టడం

చాలా అల్లరి చేసే పిల్లలను పెంచడం కాస్త కష్టంగానే ఉంటుంది. అలాగనీ.. వాళ్లను కొట్టడం వల్ల.. పరిస్థితి మరింత చేయి దాటిపోతోంది. తరచుగా కొట్టడం వల్ల మీరంటే.. వాళ్లకు భయం ఏ్పడుతుంది. అప్పుడు ఏడ్వడం మరింత ఎక్కువ చేస్తారు.

అటెన్షన్

వాళ్లను చూసుకోవడానికి మీరు ఉన్నారని, వాళ్లకు సంబంధించిన ఏ విషయాన్నైనా పంచుకోవచ్చని, నిర్లక్ష్యం చేయడంలేదని వాళ్లో కలిగేలా చేయాలి.

సైలెంట్ గా ఉండటం

గట్టిగా అరవడం, తిట్టడం వల్ల వాళ్ల ప్రవర్తన మితిమీరిపోతుంది. కాబట్టి.. ఏదైనా మరీ ఎక్కువగా వాదిస్తున్నప్పుడు, అల్లరి చేస్తున్నప్పుడు సైలెంట్ గా ఉండటం మంచిది.