అలర్ట్: అప్పుడే పుట్టిన పిల్లల్లో బ్రీతింగ్ సమస్యకు కారణాలివే..!

ప్రీమెచ్యురిటీ

సాధారణంగా 31 వారాలకు శిశువులో లంగ్స్ ఉపరితలం ఏర్పడుతుంది. ఈ ఉపరితలం ఆక్సీజన్ పీల్చుకోవడానికి.. శిశువు సొంతంగా శ్వాస పీల్చినప్పుడు ఊపిరితిత్తులు కొంచెం ఎక్సాపాండ్ అవుతాయి. అదే నెలలు నిండక ముందే శిశువు పుడితే.. ఈ ఉపరితలం సరిగా ఏర్పడక శ్వాస సంబంధ సమస్యలు వస్తాయి.

ఇన్ఫెక్షన్

జ్వరం అనేది ఇన్ఫెక్షన్ కి సంకేతం. దీనివల్ల అప్పుడే పుట్టిన పిల్లల్లో బ్రీతింగ్, హార్ట్ రేట్ లో సమస్యలు తీసుకొస్తాయి. బ్యాక్టీరియా వల్ల తీవ్ర ఇన్ఫెక్షన్ వచ్చే అవకాశం ఉంటుంది. దీనివల్ల ఎక్కువగా బ్రీతింగ్ సమస్యలు ఎదురవుతాయి.

సిడేషన్

ప్రసవం సమయంలో ఇచ్చే సెడేషన్ విషయంలో చాలా జాగ్రత్తగా ఉండాలి. ఇది ఇవ్వడంలో కాస్త అజాగ్రత్త వహించినా.. అది ప్లేసాంటా ద్వారా ప్రవహించి.. పొట్టలో శిశువుకి చేరే అవకాశం ఉంది. డెలివరీకి ముందు ఇచ్చే మందులు.. బేబీకి అందడం వల్ల.. అప్పుడే పుట్టిన పిల్లల్లో శ్వాస సంబంధ సమస్యలకు కారణమవుతాయని అధ్యయనాలు చెబుతున్నాయి.

లో బ్లడ్ షుగర్

డయాబెటిక్ మదర్ కి బేబీ పుడితే.. వాళ్లలో లో బ్లడ్ షుగర్ రిస్క్ ఉంటుంది. ఇర్రెగ్యులర్ బ్రీతింగ్ లో బ్లడ్ షుగర్ కి లక్షణమని.. అధ్యయనాలు చెబుతున్నాయి. తల్లి బ్లడ్ లో ఎక్కువ షుగర్ ఉండటం వల్ల బేబీ బాడీలో ఇన్సులిన్ ఉత్పత్తి పెరుగుతుంది, అలాగే ఫ్యాట్ పేరుకుంటుంది.

లంగ్స్ పూర్తీగా ఏర్పడకపోవడం

అప్పుడే పుట్టిన పిల్లల్లో లంగ్స్ పూర్తీగా డెవలప్ కాకపోతే.. గాలి పీల్చుకోవడానికి తగిన స్టామినా ఉండదు. అలాగే బిడ్డకు సరిపోయేంత గాలి అందకపోవడం వల్ల బ్రీతింగ్ ప్రాబ్లమ్ వస్తుంది.

తోబుట్టువులకు

తనతో పాటు పుట్టిన పిల్లలకు లేదా, తనకంటే ముందు పుట్టిన పిల్లలకు బ్రీతింగ్ ప్రాబ్లమ్ ఉంటే.. ఈ బిడ్డకు కూడా ఆ సమస్య వచ్చే అవకాశాలు ఎక్కువగా ఉంటాయి.

ఆక్సిజన్

కడుపులో ఉన్నప్పుడు, పుట్టేటప్పుడు, పుట్టిన తర్వాత సరైన ఆక్సిజన్ అందక పోవడం వల్ల ఈ బ్రీతింగ్ ప్రాబ్లమ్స్ మొదలవుతాయి.