డిప్రెషన్ లో ఉన్న పిల్లలతో ఎలా వ్యవహరించాలి ??

మానసిక సమస్య

ముందుగా.. డిప్రెషన్ అంటే.. తీవ్రమైన మానసిక పరిస్థితిగా గుర్తించాలి. మీ కిడ్ ఒక వ్యాధితో బాధపడుతున్నాడని.. వాళ్లకు.. నిపుణుల సలహా కావాలని గుర్తించండి.

తిట్టకూడదు

మీ పిల్లలు ఏడుస్తున్నప్పుడు లేదా అప్ సెట్ లో ఉన్నప్పుడు.. మీరు మరింత ఎక్కువగా తిట్టకూడదు. వాళ్లు డిప్రెసన్ లో ఉన్నప్పుడు మీరు తిట్టడం వల్ల.. వాళ్ల ఆలోచనలు మరింత తీవ్రమవుతాయి.

ఆందోళన వద్దు

మీ పిల్లలు డిప్రెషన్ లో ఉన్నారని మీరు ఆందోళన పడవద్దు. మీరు చాలా స్ట్రాంగ్ గా, సపోర్టివ్ గా ఉండాలి. అప్పుడే.. వాళ్లకు ధైర్యం వస్తుంది.

వాళ్లతో గడపడం

డిప్రెషన్ లో ఉన్న మీ పిల్లలతో కాస్త ఎక్కువ సమయం గడపండి. మీ బిజీ షెడ్యూల్ లో కాస్త వాళ్లను కూడా అర్థం చేసుకుని.. సమయం కేటాయించడం వల్ల.. వాళ్లు కాస్త రిలాక్స్ అవుతారు.

థెరపీ

మీ పిల్లలు డిప్రెషన్ లో ఉన్నప్పుడు వాళ్లను థెరపిస్ట్ దగ్గరకు తీసుకెళ్లాలి. అలాగే.. సెషన్స్ మిస్ అవకుండా.. జాగ్రత్త పడాలి. సైకాలజిస్ట్ దగ్గర మీరు మాట్లాడి.. పరిస్థితిని అర్థం చేసుకోవాలి.

నిపుణుల సలహా

మీ పిల్లలు నిపుణుల సలహా పాటించేలా జాగ్రత్త పడాలి. మెడిసిన్స్ సమయానికి వేసుకోవడం, రిలాక్సేషన్ ఎక్సర్ సైజ్ లు చేయడం, హెల్తీ డైట్ ఫాలోఅవడం వంటి నియమాలు సరిగ్గా పాటించేలా దగ్గరుండి చూసుకోవాలి.

వారానికి ఒకసారి

మీ పిల్లలను బయటకు తీసుకెళ్లడం, నలుగురితో కలిసేలా జాగ్రత్త పడటం చాలా అవసరం. కనీసం వారానికి ఒకసారి సినిమాకి లేదా.. ఇష్టమైన పని చేయడానికి అంగీకరించాలి.