పాలు పట్టే మహిళలు ఏ రకం బ్రా వాడాలి?

మీరు ఎంపిక చేసుకునే బ్రాసరీ ఎక్కువ లూజు లేదా ఎక్కువ బిగువు వుండరాదు. బ్రా టైట్ గా వుంటే పాలు ఆగిపోయే ప్రమాదం వుంది. లూజుగా వుంటే అది బ్రెస్టు సైజును షేపును చెడగొడుతుంది. కనుక స్తనాలకు సరిగ్గా సరిపోయే బ్రా ఎంపిక చేయండి. ప్రెగ్నెన్సీ తర్వాత కాటన్ బ్రాలు బాగుంటాయి. మంచి గాలి, చమట ఆరటం పాలు వెంటనే పట్టేందుకు సౌకర్యంగాను వుంటాయి. కప్ లో లైనింగ్ వుంటే బ్రా మరింత సుఖంగా వుంటుంది. పాలు అధికంగా వుంటే బ్రాలో నర్సింగ్ ప్యాడ్ లు వుంచండి. పాలను అది పీల్చేస్తుంది. పాలిండ్లు తేలికగా బయటకు వచ్చే పద్ధతిలో వున్న బ్రాసరీ కొనండి. క్రింద వైర్లు వున్న బ్రాలు సౌకర్యంగానే వుంటాయి. స్తనాలను నిలిపి మంచి షేపులో వుంచుతాయి. అయితే టైట్ గా వుంటే పాల సంచులు మూసుకునే ప్రమాదం వుంది. ఎప్పుడైనా వేసుకోవచ్చు. నొప్పి అనిపిస్తే మానేయండి. రాత్రి వేళ వైరు బ్రాలు వేయవద్దు. మెత్తటి కప్పులున్న నర్సింగ్ బ్రాలు ఎంపిక చేసుకుంటే నొప్పులు కల స్తనాలకు హాయి అనిపిస్తుంది.
బ్రాసరీలలో రకాలు -
వెంటనే తెరిచేవి...తల్లి తన బిడ్డకు పాలను వెంటనే రహస్యంగా పట్టటానికి అనుకూలిస్తాయి. వీటికే కప్పు ఏర్పాటు కూడా వుంటుంది. పబ్లిక్ స్ధలాలలో తల్లి బిడ్డకు పాలనివ్వటానికి అతి తేలిక.
డ్రాప్ కప్ బ్రాలు....ఇది కూడా సౌకర్యమే, వెంటనే తెరువవచ్చు. ముందుభాగంలోని స్ట్రాపులకు హుక్ వుంటుంది. స్ట్రాపులు వెడల్పుగా వుండేవి అయితే స్తనాలకు మంచి సపోర్టు నిస్తాయి.
జిప్ బ్రాలు.....ఇవి కూడా వెంటనే తెరువ వచ్చు బేబీతో బయటకు వెళ్ళినపుడు బహిరంగ స్తలాలలో బీబీకి పాలు ఇవ్వాలంటే జిప్ వున్న బ్రాలు మంచి ఎంపిక కాగలదు.
ఈ మార్గదర్శకతలు ఆచరించి సరి అయిన బ్రా ఎంపిక చేసుకోండి.