మహిళలో కామం ఎందుకు నశిస్తుంది?

Post Natal

oi-Nageswara

By B N Sharma

Published: Monday, November 28, 2011, 17:15 [IST]

సెక్స్ కోరిక లేదంటే...కారణం సెక్స్ పర ఆలోచనలు లేవనే. త్వరగా వేడెక్కకపోవటం, క్లయిమాక్స్ ఆలస్యంగా చేరటం, సెక్స్ మొదలెట్టాలంటే ఆసక్తి లేకపోవడం వంటివి కామం నశించిందనటానికి సంకేతాలు. ఈ సమస్యకు కారణం ఏమిటనేది పరిశీలిస్తే....

ఆల్కహాల్ లేదా మందులకు బానిసలవడం - ఆల్కహాల్ తీసుకున్న తర్వాత మహిళలు సెక్స్ పట్ల తక్కువ ఆసక్తి చూపుతారు. యాంటీ డిప్రెసెంట్ మందులు కూడా వాంఛను తగ్గిస్తాయి.
తీవ్రంగా జబ్బుపడటం - తీవ్రమైన జబ్బు పడి హార్మోన్ల అసమతుల్యత ఏర్పడినా, లేదా డయాబెటీస్, నరాల బలహీనతలు కలిగితే మహిళ సెక్స్ వాంఛ కోల్పోతుంది.
ప్రెగ్నెన్సీ, పిల్లలు పుట్టడం - మహిళ గర్భం దాల్చి పిల్లలు కంటే కూడా తాత్కాలికంగా సెక్స్ వాంఛ కోల్పోతుంది. బిడ్డ పుట్టిన తర్వాత మహిళకు యోని భాగం తీవ్ర నొప్పిని కలిగిస్తుంది.
మెనో పాజ్ దశ - మహిళకు రుతుక్రమం ఆగిందంటే సెక్స్ వాంఛ తగ్గినట్లే. సంబంధిత హార్మోన్లు తగ్గి తమ సామర్ధ్యం కోల్పోతాయి. ఈ పరిస్ధితిలో ఆమె సెక్స్ పట్ల తీవ్ర విముఖత చూపుతుంది.
డిప్రెషన్ మరియు ఆందోళన. - మనోవేదన వుంటే మహిళ సెక్స్ కు దూరంగా వుంటుంది. దీనికొరకు వాడే మందులు సైతం ఆమెలో వాంఛను తగ్గిస్తాయి.
ఒత్తిడి - ఒత్తిడి కారణంగా శరీరం అనేక మార్పులకు లోనవుతుంది. శరీరంలో రిలీజ్ అయ్యే హార్మోన్లు వాంఛను తగ్గిస్తాయి.

వైద్యపరంగా మహిళ ఈ పరిస్ధితులలో నిపుణులను సంప్రదించాలి. లేదా సెక్స్ ధిరపిస్టులు, మానసిక నిపుణులు కూడా మంచి పరిష్కారం చూపగలరు. అన్నిటికి మించి జీవిత భాగస్వామి మరోమారు ప్రేమానురాగాలతో ఆమె పరిస్ధితిని మార్చగలగాలి.