బేబీ పుట్టిన తర్వాత జుట్టు ఊడుతోందా?

Post Natal

oi-Nageswara

By B N Sharma

Published: Thursday, September 15, 2011, 15:23 [IST]

బిడ్డ పుట్టిందన్న సంతోషం మహిళలకు అధికంగా వుంటుంది. కాని ఆ సమయంలో వచ్చే చిన్నపాటి అనారోగ్యాలు, జుట్టూ ఊడటం మొదలైనవి మహిళలో డిప్రెషన్ కలిగిస్తాయి. మహిళ అందాన్ని పెంచేది కేశ సౌందర్యమే. ఇక అది ఊడితే వారు ముసలి వారైనట్లే భావిస్తూంటారు.
బిడ్డ పుట్టిన తర్వాత జుట్టు ఊడటం సహజమని అది ఒక తాత్కాలిక దశ అని మొదటగా స్త్రీలు గుర్తించాలి. మహిళలకు గల ఈ జుట్టు ఊడటం సమస్యను పరిష్కరించటమెలా?

1.బేబీ పుట్టినపుడు శరీరంలో ఈస్ట్రోజన్ లెవెల్స్ మారి జుట్టు ఊడుతుంది. తర్వాతి కాలంలో సాధారణ స్ధితికి వస్తాయి. కనుక దానిగురించి ఆందోళన చెందరాదు.
2. జుట్టు ఊడటాన్ని ఆపలేము కనుక వివిధ హెయిర్ స్టైల్స్ ఆచరించాలి.
3. విటమిన్లు అధికంగా గల ఆహార పదార్ధాలు హార్మోన్లను పెంచి మరింత ఊడటాన్ని అరికట్టటం, పోయిన జుట్టును మరల పుట్టించడం చేస్తాయి.
4. గర్భిణీ దశలో తీసుకున్న మంచి పోషకాహారం ఈ సమయంలో ఉపయోగపడగలదు. జుట్టు, గోళ్ళు పెరగటానికి కాల్షియం అధికంగా వున్న పదార్ధాలు తీసుకోవాలి.
5. తరచుగా జుట్టు కడగటాన్ని, దువ్వటాన్ని చేయరాదు. తడి జుట్టును దువ్వరాదు.
6. మంచి తలనూనెతో తలను, జుట్టు కుదుళ్ళను మర్దన చేయటం ఫలితాన్నిస్తుంది.
7. హెయిర్ జల్, ఆర్టిఫిషియల్ రంగులు వేయడం, దట్టమైన క్రీములు రాయడం చేస్తే రంధ్రాలు మూసుకుంటాయి. ఘాటైన షాంపూలను కూడా వాడకండి.