డెలివరీ తర్వాత సింధటిక్ కుట్లు మంచివి!

By B N Sharma

Published: Tuesday, September 20, 2011, 14:38 [IST]

Synthetic Sutures Proven Best Post Delivery!

మహిళ జీవితంలో డెలివరీ అనేది ఆనందకరమే కాదు చాలా బాధాకరమైన సంఘటన. జననాంగం ద్వారా బిడ్డ పుట్టి దానికి స్టిచెస్ వేయవలసి వస్తే సాధారణంగా వేసే నరపు (కేట్ గెట్) దారాలతో కాకుండా సింధటిక్ దారాలతో వేస్తే నొప్పి తక్కువని తాజా పరిశోధనలలో తేలింది. వీరికి కొద్ది రోజులు మాత్రమేనొప్పి వున్నట్లు తర్వాత నార్మల్ అయినట్లు ఇంగ్లండ్ లోని నార్త్ స్టాఫోర్డ్ షైర్ లోని యూనివర్శిటీ హాస్పిటల్ లో అధ్యయన కారులకు నేతృత్వం వహిస్తున్న క్రిస్టిన్ కెటిల్ తెలిపారు.

అయితే, కుట్లు వేసే వైద్యుని నిపుణతలు కూడా వుండాలని తెలిపారు. యోని ద్వారా జననం అయిన మహిళలలో 70 శాతం మందికి యోని జనన సమయంలో దెబ్బతిని కుట్టు పడుతున్నాయని తెలిపారు. కుట్టిన భాగాల వద్ద బాధ, ఆమెలో కలిగే హార్మోన్ మార్పులు, పుట్టిన బేబీపై శ్రధ్ధ మొదలైనవి ఆమె మరల సెక్స్ కార్యంలో పాల్గొనటానికి చాలా సమయం తీసుకుంటోందని కూడా తెలిపారు.

వేసిన కుట్లు తీయడానికి గతంలో మరల మిడ్ వైఫ్ సహాయం అవసరమయ్యేదని, ఇపుడు సింధటిక్ కుట్లతో వాటిని ఊడదీయటం కూడా తేలికగా నొప్పిలేకుండా వుందని కూడా ఈ పరిశోధకులు తమ పరిశోధనలో తేల్చారు. అభివృధ్ధి చెందిన దేశాల ప్రజలు గతంలోని కేట్ గట్ కుట్ల కంటే కూడా అధికంగా సింధటిక్ కుట్లనే కోరుతున్నారని కూడా ఈ అధ్యయనం తెలుపుతోంది.