సిజేరియన్ తర్వాత స్లిమ్ అయిపోండి....ఇలా?

By B N Sharma

Published: Wednesday, August 31, 2011, 15:18 [IST]

మహిళలకు సిజేరియన్ తర్వాత పొట్ట ఒక సంచిలా తయారవుతుంది. యోనిద్వారా ప్రసవం జరిగితేబరువు తగ్గటం తేలికే. కాని సిజేరియన్ జరిగిందంటే నడుం చుట్టూ ఏర్పడిన కొవ్వు త్వరగా తగ్గక పోవచ్చు. బిడ్డ పుట్టిన వెంటనే కొంతమంది తల్లులకు చక్కటి అదృష్టంగా పొట్టలు సన్నబడిపోతాయి. కాని మరి కొంతమంది బిడ్డపుట్టిన తర్వాత కూడా అధిక లావు కలిగి వుంటారు. వీరికి బిడ్డ పుట్టిందన్న సూచన కూడా ఒక్కోసారి వుండదు. ఈ రకంగా బిడ్డ పుట్టిన తర్వాత ఏర్పడే కొవ్వుకు చాలామంది ఆందోళన చెందటం సహజమే. మరి ఈ సమస్య నుండి బయటపడాలంటే, దిగువ అంశాలు తెలుసుకోండి.

1. బేబీని బయటకు తీయాలంటే పొట్టను మధ్యకు కట్ చేస్తారు. బేబీతో పాటు కొంత కొవ్వు తరిగిందే. కాని సిజేరియన్ తర్వాత మీ పొట్టఅడుగు చర్మానికి గల కొవ్వు పేరుకుపోయి అట్లే ఉండలుగా మిగిలిపోతుంది. ఇది సహజంగా కరగటమనేది అసాద్యం. అయితే, చాలామంది స్త్రీలు సిజేరియన్ తర్వాత డాక్టర్ సలహాపై బెల్టు ధరిస్తారు. ఉబ్బిన పొట్టను దాని మంచి ఆకారం శాశ్వతంగా చెడకుండా ఈ బెల్టు సరిగా వుంచటానికి ఉపయోగిస్తుంది. సిజేరియన్ తర్వాతి పొట్ట వేలాడకుండా మీరు బరువు తగ్గేటంత వరకు ఆ బెల్టును ధరించి శరీరాకృతి చెడకుండా చూసుకోవచ్చు.

2. ఆహారం - బిడ్డకు పాలు పడుతుంటే, డాక్టర్ సలహా లేకుండా డైటింగ్ చేయవద్దు. సిజేరియన్ ఫ్యాట్ ఏర్పడితే మీరు బిడ్డకు పాలు ఇస్తున్న విషయం గుర్తుంచుకోండి. మీ శరీరానికి ఈ సమయంలో రక్తపు మరకలవంటివైనా ఈ సమయంలో పెద్దగా పట్టించుకోకండి. మళ్ళీ ఆరోగ్యం పొందటానికి మరోమారు పూర్వపు శరీరం పొందటానికి అవసరమైన ఆహారం తినాల్సిందే.

3. సిజేరియన్ పొట్ట తగ్గించటానికి వ్యాయామాలు: వ్యాయామాలు చేసేముందు కుట్లు పడ్డ మీ పొట్టకు వాటి ప్రభావం తగ్గటానికి కొంత సమయం ఇవ్వాలి. మీ పొట్ట, బిడ్డను తీయటానికిగాను ఒకచివరి నుండి మరో చివరకు కోయబడిందని గుర్తుంచుకోండి. కనుక శరీరాన్ని వివిధ రకాలుగా వంపులు చేసే ఏ వ్యాయామాలు లేదా ఎలాపడితే అలా కూర్చోవటాలు చేయరాదు. సిజేరియన్ కాన్పు తర్వాత కనీసం ఎనిమిది వారాల వరకు మీరు పనికి కూడా వెళ్ళరాదు.

4. వైద్యుడి సలహాపై పొట్ట వ్యాయామాలు మొదలుపెట్టేముందుగా పొట్టను లోపలికి లాగే కొన్ని శ్వాస సంబంధిత వ్యాయామాలు చేయండి. తర్వాత క్రమంగా ఏరోబిక్స్ లేదా యోగా చేసి బరువు తగ్గించుకోండి. వ్యాయామాలు అధికంగా చేసి మీ పొట్ట కండరాలను ఇబ్బంది పెడితే మరి కొన్ని సమస్యలు వచ్చే ప్రమాదం వుంది. మిమ్మల్ని ఇతర కొత్త తల్లులతో పోల్చుకోకండి. మీకు సిజేరియన్ కాన్పు అవటం చేత పొట్ట కొవ్వు త్వరగా తగ్గటం కష్టం అని గ్రహించండి.