ముచ్చటైన రూపం మీ సొంతమవ్వాలంటే!

Post Natal

oi-Nageswara

By B N Sharma

Published: Saturday, April 21, 2012, 10:27 [IST]

సిజేరియన్ ఆపరేషన్ అయిపోతుంది. కాని దాని తర్వాత మహిళలు కొన్ని జాగ్రత్తలు పాటించాలి. వాటిలో సరైన బెల్ట్ ధరించడం ఒకటి. సాధారణంగా మహిళలు దీనికి ప్రాధాన్యత నివ్వరు. అసౌకర్యంగా వుందంటూ దానిని తొలగిస్తారు. రక్తపోటు పెంచుతుందంటారు. కాని త్వరగా తమ పూర్వపు శారీరక రూపం పొందాలనుకునే మహిళలు సిజేరియన్ తర్వాత బెల్ట్ తప్పక ధరించాలి. ఇది పొట్ట కండరాలు బలపడేందుకు, బలహీనంగా వున్న మీ శరీరానికి సపోర్టుగాను వుంటుంది.

బేబేని డెలివరీ చేసినప్పటికి మీరు గర్భం ధరించినట్లే వుంటే, మీరు తప్పక బెల్ట్ ధరించాలి. అది ఎలా మీకు ఉపయోగపడుతుందంటే....

1. మీ వీపుకు బలం చేకూర్చి నొప్పి రాకుండా చేస్తుంది. పెరిగే బేబీ మీ వీపుపై అధిక బరువు ఒత్తిడి కలిగిస్తాడు. కనుక వీపు కండరాలు బలహీనపడతాయి. మూడవ త్రైమాసికంలో మొదలైన నొప్పి డెలివరీ అయినా తగ్గదు. కనుక నడుముకు బెల్ట్ తప్పక వేసి వీపు కండరాలకు బలం చేకూర్చాలి. పూర్వపు గట్టితనం కండరాలకు రావాలంటే ఈ సమయంలో బెల్ట్ వేయాలి.

2. పొట్ట సహజంగా తగ్గుతుంది. బిడ్డ లోపల వుండగా పొట్ట పూర్తిగా ఉబ్బుతుంది. దానిని సిజేరియన్ చేస్తారు. బేబీ బయటకు వచ్చిన వెంటనే మీలోని కొవ్వు అంతా బయటకు రాదు. సిజేరియన్ అయినప్పటికి మీరు ఇంకా గర్భవతిగానే కనపడతారు. యోనిద్వారా జననం అయితే వారు తమ పొట్టను బెల్ట్ లేకుండానే తొలగించుకోగలరు. కాని సిజేరియన్ అయిన మహిళలు తప్పక బెల్ట్ వేయాలి.

3. బెల్ట్ పెట్టుకుంటే మీరు సన్నగా కూడా కనపడతారు. అది మీ పొట్టను లోపలికి తోసి వుంచుతుంది. మీ శరీరం చక్కని రూపంలో లావు లేకుండా ఉంటుంది.

4. మీ కదలికలు బెల్ట్ పెడితే తేలికగా వుంటాయి. సిజేరియన్ అయినప్పటినుండి మీ శరీర కదలిక మందంగా వుండి నొప్పితో వుంటుంది. ప్రత్యేకించి కూర్చొనటం, లేవటం కష్టమవుతుంది. ఈ పొట్ట బెల్ట్ పొట్ట చుట్టూ వదులుగా వున్న మాంసాన్ని పట్టి వుంచి మీ కదలికలు తేలిక చేస్తుంది.

5. ఆపరేషన్ కోత త్వరగా నయమవుతుంది. పొట్ట గట్టిగా దాని స్ధానంలో వుండటంతో మీ గాయం త్వరగా నయమవుతుంది. లేకుంటే మీ పొట్ట అటూ ఇటూ కదులుతూంటే వేసిన కుట్లు నయమవటానికి సమయం పడుతుంది.

సిజేరియన్ కాన్పు తర్వాత కనీసం 6 నెలలైనా మహిళ బెల్ట్ ధరించాలి. మీరు త్వరగా కోలుకోవడంలో, గతంలో బెల్ట్ లు ఏ రకంగా మీకు ఉపయోగ పడ్డాయనేది మాకు వ్రాయండి.