బాలింతలకు మసాజ్ ప్రయోజనాలు!

Post Natal

oi-Nageswara

By B N Sharma

Published: Thursday, April 19, 2012, 9:31 [IST]

కాన్పు తర్వాత తల్లి తన ఆరోగ్యం చూసుకోవటానికి సమయం వుండదు. ఆమెకు రాత్రి, పగలు బిడ్డ ధ్యాసే అధికంగా వుంటుంది. అదే సమయంలో ఆమె శారీరక నొప్పులున్నాయని తెలుపుతుంది. కాన్పు తర్వాత మహిళలు కొద్దిపాటి బరువు పెరుగుతారు. తమపూర్వపు శరీర రూపం పొందాలనేది వారి ధ్యేయంగా వుంటుంది. అందుకుగాను వారు ఏం చేయాలి? వారు కాన్పు తర్వాత మసాజ్ చేయించుకోవాలి.

బాలింతలకు మసాజ్ ప్రయోజనాలు
విశ్రాంతి - కాన్పు తర్వాత మహిళలకు ఒత్తిడి వుంటుంది. తన బిడ్డకు అధిక సమయం కేటాయించడంతో కొత్త తల్లి శారీరకంగా, మానసికంగా అలసిపోతుంది. కనుక, అలసిన శరీరానికి మసాజ్ చాలా అవసరం.

శారీరక నొప్పులు - కాళ్ళలో, తొడలలో, చేతులు, మెడ, వీపు వంటివి కాన్పు తర్వాత నొప్పులు పెడతాయి. మసాజ్ చేస్తే వీటినుండి విముక్తి పొందవచ్చు. మసాజ్ రాత్రివేళ చేస్తే మంచిది. నిద్రించేముందు కొద్ది నిమిషాలు మసాజ్ చేసుకోవాలి. లేదా భర్త సహాయం తీసుకుని మసాజ్ చేయించుకోవాలి. నొప్పిలేని నిద్ర పడుతుంది.

రక్త సరఫరా - శరీర మసాజ్ శరీరమంతా రక్తప్రసరణ వుండేలా చేస్తుంది. నొప్పి దూరమవటమే కాక, అది ఆక్సిజన్ అధికంచేసి రక్తప్రసరణ బాగా జరిగేలా చేస్తుంది.

పాలు ఉత్పత్తి - ఆమెలోని పాలగ్రంధులు అధిక ఉత్పత్తి చేయాలంటే మసాజ్ సహకరిస్తుంది. స్తనాలు మసాజ్ చేస్తే పాలు అధికమవటమే కాక, రొమ్ములు వేలాడకుండా వుంటాయి. అంతవరకు అడ్డగించబడిన పాలగ్రంధులకు రక్తప్రసరణ బాగా జరిగి ఉత్పత్తి అధికమవుతుంది.

కండరాలు బిగువు - కాన్పు సమయంలో ఆమె కండరాలు వదులవుతాయి. కాన్పు తర్వాత చేసే మసాజ్ కు కండరాలు మరోమారు ఫిట్ నెస్ సంతరించుకుంటాయి.

బరువు తగ్గుట - కాన్పు ముందరి శరీర రూపం పొందాలంటే, పొట్ట తగ్గాలంటే, శరీర కొవ్వు కరగాలంటే మసాజ్ తప్ప మరోమార్గం లేదు.

స్ట్రెచ్ మార్కులు - ప్రసవానంతరం పొట్టపై వచ్చే స్ట్రెచ్ మార్కులు మసాజ్ తో తగ్గుతాయి. మంచి నూనెలు వాడి మసాజ్ చేయించాలి.

చర్మం - చర్మంపై అప్పటివరకు వున్న మృతకణాలు మసాజ్ తో తొలగిపోతాయి.

బాలింతలకు మసాజ్ చేయటం వలన ఈ ప్రయోజనాలు చేకూరుతాయి. డెలివరీ తర్వాత శరీరానికి కొంత విశ్రాంతి కావాలి. ఆ విశ్రాంతి మసాజ్ తర్వాతి దశలో దొరుకుతుంది. మసాజ్ చేసేటపుడు గోరు వెచ్చటి నూనెలు ఉపయోగించండి. ఈ మసాజ్ ఇంటివద్దే చేసుకొనవచ్చు.