బిడ్డకు పాలు పట్టడంలో ఇబ్బందులు...!

Post Natal

oi-Nageswara

By B N Sharma

Published: Thursday, March 22, 2012, 11:09 [IST]

డెలివరీ అయిన మహిళలో స్తనాలలో ఇన్‌ఫెక్షన్‌, గడ్డలు ఉన్నప్పుడు తల్లి బిడ్డకు సరిగా పాలివ్వలేదు. ఇటువంటి సమస్యలు ఉన్నప్పుడే వెంటనే డాక్టర్‌తో చికిత్స చేయించు కోవాలి. బిడ్డకు జలుబు ఉన్నప్పుడు ముక్కు పట్టేసి పాలు తాగడంలో ఇబ్బందులు ఎదురవుతాయి. జలుబు ఉన్న పిల్లలకు వెంటనే వైద్యం చేయించాలి. తల్లిలో ఏదైనా ఇన్‌ఫెక్షన్‌ ఉంటే పాల ద్వారా అది బిడ్డకు సోకవచ్చు. దీన్ని దృష్టిలో పెట్టుకొని ఇన్‌ఫెక్షన్‌కు వెంటనే డాక్టర్‌ను సంప్రదించి వైద్య చికిత్సలు చేయించుకోవాలి.

తీవ్రమైన గుండె వ్యాధులతో బాధపడుతున్న తల్లులు బిడ్డకు పాలివ్వలేరు. ఇక డెలివరీ సమయంలో షాక్‌ తో అనారోగ్యం పొంది మానసిక వేదనలు కలవారు సైతం తమ పిల్ల లకు సక్రమంగా పాలివ్వలేరు. ఇటువంటి వారు వెంటనే వైద్యం చేయించు కోవడం అవసరం. తల్లిపాలు బిడ్డకు ఎంత ఆరోగ్యకరమో ప్రభుత్వం కూడా ఇప్పుడు ప్రచారం చేస్తున్నది. బిడ్డకు పాలు ఇవ్వవచ్చా? ఇవ్వరాదా? ఇస్తే తమ స్తనాల సౌందర్యం దెబ్బతింటుందా వంటి అపోహలు మహిళలు వీడి బిడ్డలకు పాలిస్తే వారు భవిష్యత్తులో ఆరోగ్యవంతంగా ఉండగలుగుతారు.

అంతేకాక తల్లిపాలు పట్టడం బిడ్డకు కూడా ఎంతో మేలు చేస్తుంది. తల్లిపాలు తాగిన వారిలో రోగనిరోధక శక్తి అధికంగా ఉంటుంది. త్వరగా ఇన్ ఫెక్షన్ లకు గురికారు. ఏ ఇతర పాలు వాడినప్పటికి పిల్లలు ఆరోగ్యంగా ఎదగక పోవచ్చు. గేదె లేదా ఆవు పాలు పట్టిన పిల్లలు, వీటిలో కొవ్వు కణాల సంఖ్య అధికంగా వుండటం చేత అతి త్వరగా చిన్నతనంలోనే ఊబకాయం సంతరించుకునే ప్రమాదం కూడా వుంది.