ఆరు నెలల వరకు తప్పనిసరిగా…

Post Natal

oi-Nageswara

By B N Sharma

Published: Wednesday, March 28, 2012, 14:55 [IST]

తల్లి కొత్తగా పుట్టిన బిడ్డకు తప్పని సరిగా ఆరు నెలల వరకు తన పాలు పట్టాలి. బిడ్డ ఆరోగ్యంగా ఉండాలంటే ఒక సంవత్సరం లేదా కనీసం పది నెలల వరకు కూడా పాలివ్వడం మంచిది. ఇక అయిదు నెలల నుంచి పాలతో పాటు మెత్తటి పండ్లు, పిల్లలకు ఇచ్చే ఇతర పోషకాహారాలను తినిపించడం మంచిది. ఇక బిడ్డకు ప్రతి రెండు, మూడు గంటలకొకసారి తప్పనిసరిగా తల్లి పాలు ఇవ్వాలి. ఒక వేళ శిశువు గాఢ నిద్రలోఉంటే ప్రతి నాలుగు గంటల కైనా పాలివ్వాలన్న విషయాన్ని గుర్తు పెట్టుకోవాలి. తల్లి బిడ్డకు కనీసం అయిదు నిమిషాల సమయం పాలు పట్టాలి.

పెరుగుతూ ఉండే బిడ్డకైతే పది నుండి పదిహేను ననిమిషాల పాటు పాలిస్తే మంచిది. కడుపునిండా పాలు తాగగానే పిల్లలు వెంటనే పడుకుంటారు. ఎంత సేపు పట్టాలి? బిడ్డ కడుపునిండా తాగుతోందా లేదా అనే విషయాలు తల్లికి అలవాటుమేరకు తెలుస్తూనే వుంటాయి. తల్లి పాలిచ్చినా ఇంకా ఏడుస్తుంటే బిడ్డకు పాలు సరిపో లేదన్న విషయాన్ని గమనించి బాటిల్‌తో పాలు తాగించాలి.

సిజేరియన్‌ ఆపరేషన్‌ జరిగిన మహిళలు మొదట్లో పడుకొని పాలిచ్చినప్పటికి వారి నొప్పి తగ్గిన తర్వాత కూర్చొని పాలివ్వటం మంచిది. కూర్చొని పిల్లలకు పాలిస్తే బిడ్డకు అవి నేరుగా పొట్టలోకి వెళ్ళి జీర్ణం అయ్యేటందుకు తేలికగా వుంటుందనే విష యాన్ని గమనించాలి. దీనితో బిడ్డ కూడా కడుపునిండా పాలు తాగ గల్గుతాడు. పాలు తాగిన తర్వాత బిడ్డను భుజంపై వేసుకొని కొద్ది గా జో కొడితే పాలతో పాటు వెళ్లే గాలి మూలంగా వాంతులు రాకుండా ఉంటాయి. ఈ విధంగా చేస్తే బిడ్డకు పాలు వెంటనే జీర్ణం అవుతాయి.