ఒక గర్భవతిగా మహిళ ఆశించేదేమిటి?

మహిళ గర్భవతి అయిందంటే, మొదటగా ఆమెకు కావలసినది హాయిని గొల్పే మంచి దుస్తులు. ఆమె గర్భవతిగా వున్న 9 నెలల కాలం వీటి ఖర్చు అధికంగానే వుంటుంది. ఈ దశలో మహిళ దుస్తులను ఎలా మెయిన్టెయిన్ చేయాలనేది చూడండి. గర్భవతి మహిళ దుస్తులు వీలైనంత మేరకు డిస్కౌంట్లు ఇచ్చే షాపులలో కొనుగోలు చేయండి. అవి చవకవైనప్పటికి సౌకర్యంవంతంగా వుండాలి. ఈ దశ దాటితే మహిళకు తర్వాత అవి పనికిరావు. లేదా గతంలో తల్లులైన దగ్గరి బంధువులెవరైనా వుంటే వారి దుస్తులు వాడినా బాగానే వుంటుంది. లేదా గతంలో మీరు కొని బాగాలూజ్ అయిపోయానాయని పక్కన పడేసిన దుస్తులు కూడా ఈ సమయంలో సౌకర్యం కొరకు ఉపయోగించవచ్చు. నైటీలు, ఎలాస్టిక్ దుస్తులు, యోగా పేంట్లు, లైక్రా లెగ్గింగులు, స్ట్రెచ్ పేంట్లు, స్వెట్టర్స్ వంటివి బాగుంటాయి.

ఇక లోదుస్తులుగా బికిని అండర్ వేర్ వంటివి సైజ్ చేసి వాడచ్చు. బ్రాసరీలు సాగేవిగా వుంటే బాగుంటుంది. ఈ దుస్తులు వీలైనంత ముందుగానే అలవాటు చేసుకోండి. కాళ్ళకు సన్నపాటి చదునైన చెప్పులు నడకకు తేలికగా వుండి బాడీని బేలన్స్ చేస్తాయి. ఓపెన్ స్లిప్పర్లు స్లిప్ షూస్ వంటివి మరింత సౌకర్యం మరియు ఆధునికంగాను వుంటాయి. గర్భవతి మహిళ ఏదైనా పార్టీలకు వెళ్ళవలసి వస్తే, నలుపు లేదా గోధుమ రంగు దుస్తులు వీలైనంతవరకు పొట్ట కనపడకుండా చేస్తాయి. తొడభాగం వరకు స్టోకింగ్స్ లేదా మేజోళ్ళు వంటివి వేస్తే ఫిట్ గాను ఆకర్షణీయంగాను కూడా వుంటుంది.

మరి ఆమెలో శారీరక మార్పులు ఎలా ఉంటాయి? మహిళకు ఒకసారి శిశువు పుట్టిందంటే జీవితంలోనే అనేక మార్పులు వస్తాయి. శారీరకంగా కాక, సామాజికంగా, మానసికంగా కూడా ఈ మార్పులు వుంటాయి. ఈ మార్పులు ప్రతి మహిళకు విభిన్నంగా వుంటాయి. మహిళకుగల తల్లి అనుభవం ఆమెకుగల గత అనుభవాలతో ముడిపడి వుంటుంది. మహిళలు బిడ్డ పుట్టటంతో తమ పాత్ర ముగిసిపోతోందని అలసట కలుగుతోందని కూడా బాధపడుతూంటారు. మరికొంతమంది మహిళలు ఒంటరి తనాన్ని భావిస్తారు. వారు ఎంతో నష్టపోయినట్లుగా కూడా భావిస్తారు. అయితే, తాము జన్మనిచ్చిన బేబీని పెంచడంలో మరోమారు ఆత్మవిశ్వాసాన్ని పొందుతారు. బేబీని పెంచటంలో ఆనందిస్తారు.

బిడ్డ పుట్టిన తర్వాత మహిళలో వచ్చే శారీరక మార్పులు అధికంగానే వుంటాయి. గర్భాశయం కుచించటం మొదలుపెడుతుంది. ఒక కిలోగ్రాము వరకు వుండే గర్భాశయం ఆరు వారాలయ్యే సరికి 100 గ్రాముల బరువుకు తగ్గుతుంది. కండరాలలో వుండే పీచు అంతా మాయమవుతుంది. రక్తస్రావం ఆగటానికి గానను గర్భాశయం మరింత కుచించుకుపోతూ వుంటుంది. ఈ సమయంలో ఆమె విపరీతమైన నొప్పికి గురవుతుంది. గతంలో ఒక బిడ్డ ప్రసవించిన వారికి ఈ నొప్పులు మరింత అధికంగా వుంటాయి.