ప్రసవం తర్వాత మహిళ స్తనాలలో మార్పులు?

Post Natal

oi-Nageswara

By B N Sharma

Published: Friday, April 27, 2012, 16:10 [IST]

గర్భం ధరించినప్పటినుండి మహిళ శరీరంలో అనేక మార్పులు వస్తూంటాయి. వాటిలో ఆమె స్తనాలలో వచ్చే మార్పులు కొన్ని. ఇవి కూడా ఆమెలోని హార్మోన్ల స్ధాయి పెరగటం వలన ఏర్పడతాయి. ప్రెగ్నెన్సీ సమయంలో ఆమె శరీరంలో అధిక మొత్తాలలో ఈస్ట్రోజన్ మరియు ప్రొజెస్టిరోన్ హార్మోన్లు తయారవుతాయి. ఈ హార్మోన్లు స్తనాలలోని పాల గ్రంధులు పెరిగేందుకు విస్తరించేందుకు తోడ్పడి పాల ఉత్పత్తి అధికమై బిడ్డకు పాలు ఏర్పడేలా చేస్తాయి. ఈ కారణంగానే ప్రెగ్నెన్సీలో ఆమె స్తనాలు మార్పు చెందుతాయి.

సాధారణంగా గర్భవతి స్తనాలు నొప్పులు పెడుతూంటాయి. పెద్దవి అవుతాయి. చనుమొనలలో మార్పు వస్తుంది. అవి రంగు మారతాయి. ఎక్కడో కొందరికి మాత్రం ఏ రకమైన మార్పులు కనపడకుండా వుంటాయి.

మొదటి త్రైమాసికంలోనే ఆమె స్తనాలు నొప్పులు పెట్టి మెత్తబడతాయి. కొంతమంది మహిళలకు పిరియడ్ లో వలెనే ఇవి బాధించటంచే నిర్లక్ష్యం చేస్తారు. వాటిని ముట్టుకుంటే మెత్తబడటం తెలుస్తుంది. ఆందోళన చెందాల్సిన పనిలేదు. ఈ చిహ్నాలు గర్భవతికి సాధారణమే, మొదటి త్రైమాసికంలో అధికంగా కూడా వుంటాయి.

చనుమొనలలో మార్పు - గర్భవతిలో నెలలు నిండే కొలది చనుమొనలు పెద్దవి అవుతాయి. నలుపు రంగు కు వస్తాయి. చనుమొనలపై మొటిమలవంటి బుడిపలు ఏర్పడతాయి. ఇవి నూనె గ్రంధులు, బిడ్డ పాలు తాగే సమయంలో రాపిడి లేకుండా వుండేందుకు ఇవి ఏర్పడతాయి.

స్తనాలు పెద్దవి అవుతాయి - మొదటి త్రైమాసికం చివరకు లేదా రెండవ త్రైమాసిక ప్రారంభంలో చనులు పెద్దవి అవుతాయి. అంటే స్తనాలలోని టిష్యూలు పెరిగి బేబీకి అవసరమైన ఆహారం తయారుచేస్తున్నాయన్నమాట.

ద్రవాలు ఊరటం - ప్రెగ్నెన్సీ చివరలో కొంతమంది తల్లులు తమ స్తనాలనుండి ద్రవాలు చనుమొనలద్వారా బయటకు రావటం చూస్తారు. ఆందోళన చెందకండి. ఈ ద్రవాన్ని ముర్రిపాలు అంటారు. ఈ పాటు మీ బిడ్డకు పడితే రోగనిరోధకత ఏర్పడుతుంది. అవి బాగా కారుతూంటే ప్యాడ్ లు వాడి సౌకర్యంగా వుండేలా చేసుకోండి.

గర్భవతిగా వున్నపుడు మీ స్తనాలపై అధిక జాగ్రత్తలు తీసుకోవాలి. స్తనాలకు చక్కటి బ్రాసరీ ధరించి సపోర్టు ఇవ్వాలి. వ్యాయామాలు చేయండి. మెత్తటి కాటన్ బ్రా ధరించండి. మరీ బిగువైన దుస్తులు ధరించకండి. స్ట్రెచ్ మార్కులు పడకుండా ప్రతిరోజూ మాయిశ్చరైజ్ చేయండి. స్తనాలలో ఏవైనా ఇన్ ఫెక్షన్లు వస్తే వెంటనే వాటిని నివారించండి. అపుడు మీ బేబీకి ఆరోగ్యకరమైన పాలు లభిస్తాయి.