తల్లిపాలు పంపుతో పిండి నిలువచేయటం ఎలా?

పంపు నెమ్మదిగా, తక్కువ స్ధాయిలో పని చేయాలి. పంపు స్తనాలనుండి ఒత్తిడితో అధికంగా పీల్చరాదు. చను మొన పంపులోకి చక్కగా ఇమిడిపోవాలి. 15 నిమిషాలపాటు పాలు తీయండి. మరల వేగంగా పాలు ఉత్పత్తి కావాలంటే అంతకంటే అధికంగా తీయరాదు. ఈ పదిహేను నిమిషాలలోను, ఏడు నిమిషాల తర్వాత ఒకసారి పంపును తొలగించి స్తనాన్ని మర్దన చేసి రెండవ మారు మరల 7 నిమిషాలు పాలు తీయాలి.

ఈ రకంగా స్తనాలనుండి పంపుతో తీసిన పాలు ఎలా నిలువ చేయాలి? పంపుతో బయటకు తీసిన తల్లిపాలను సాధారణ ఉష్ణోగ్రతలో బయట 5 నుండి 7 గంటలు లేదా రిఫ్రిజిరేటర్ లో అయితే 5 నుండి 7 రోజులపాటు నిల్వవుంచవచ్చు. ఫ్రిజ్ లో పాలు గడ్డకట్టినప్పటికి, వాటిని వేడి నీటిలో లేదా ఒక వేడి గిన్నెలో పెట్టి సాధారణ స్ధితికి తెచ్చి, బేబీ పాలు త్రాగే బాటిల్ లోకి పోయవచ్చు. గడ్డకట్టిన పాలను మైక్రోవేవ్ లలో వుంచకండి. పోషక పదార్ధాలు తొలగి బిడ్డ నోరు కాలే ప్రమాదం వుంది. పాలను పంపుతో తీయటానికి ఉదయం 1 గం. నుండి 5 గంటలవరకు మంచి సమయం.