బాలింతలలో ఇన్‌ఫెక్షన్‌ నివారణ, చికిత్సలు…!

Post Natal

oi-Nageswara

By B N Sharma

Published: Monday, March 19, 2012, 15:41 [IST]

బాలింతలలో కాన్పు తర్వాత ఇన్‌ఫెక్షన్‌ల నివారణకు ప్రత్యేక శ్రద్ద తీసుకోవాలి. గర్బం ధరించినప్పటినుండి రెగ్యులర్‌గా గైనకాలజిస్ట్‌లను సంప్రదించాల్సి ఉంటుంది. డాక్టర్లు రక్తం తక్కువగా ఉన్నవారికి, రక్తపోటు ఉన్న వారికి అవసరమైన చికిత్సలు చేస్తారు. ప్రసవానికి ముందు పళ్లలో, చిగుళ్లలో ఇన్‌ఫెక్షన్‌ ఉన్నా, ట్రాన్సిల్‌ ఇన్‌ఫెక్షన్‌ ఉన్నా వెంటనే ట్రీట్‌మెంట్‌ తీసుకోవాలి. రక్తపోటు, షుగర్‌, టిబి, మలేరియా, యూరిన్‌ ఇన్‌ఫెక్షన్‌ ఉంటే వెంటనే తగిన వైద్యం చేయించుకోవాలి. డెలివరీ సమయంలో నీరు లీక్‌ అవుతుందని తెలిస్తే డాక్టర్లు ముందే ట్రీట్‌మెంట్‌చేస్తారు.

గర్భం సమయంలో ఏవైనా గాయాలు ఏర్పడితే చాలా జాగ్రత్తగా వాటికి వైద్యం చేయించుకోవాలి. ఆరోగ్య సమస్యలు ఎదురయ్యే మహిళలకు టెంపరేచర్‌, పల్స్‌ చెకప్‌, బిపి, కాలేయం‌, ఊపిరితిత్తులు పరీక్ష చేస్తారు. గర్భం తర్వాత స్కిన్‌ ఇన్‌ఫెక్షన్‌, గర్భాశయం కరెక్ట్‌గా మూసుకున్నదా లేదా అని డాక్టర్లు చూస్తా రు. వెజినల్‌, సర్విక్స్‌ నుంచి యూరిన్‌, బ్లడ్‌ టోటల్‌ కౌంట్‌, డిఫరెన్షియల్‌ కౌంట్‌ను కూడా డాక్టర్లు పరీక్షిస్తారు. బ్లడ్‌ టెస్ట్‌తో పాటు ఎక్స్‌రే, మలేరియా టెస్ట్‌లను సైతం నిర్వహిస్తారు. డెలివరీ సమయంలో రక్తం తక్కువగా ఉన్నవారికి రక్తం ఎక్కిస్తారు. అవసరమైన వారికి యాంటీబయాటిక్స్‌ను అందిస్తారు.

ఇక డెలివరీ జరిగే ప్రదేశం లేదా గది పరిశుభ్రంగా ఉండేవిధంగా చూసుకోవాలి. దీనివల్ల ప్రసవం జరిగే మహిళలను ఇన్‌ఫెక్షన్‌ల బారినుండి రక్షించవచ్చు. డెలివరీకి ముందు పరీక్షలు తక్కువగా చేయడం మంచిది. పరిశుభ్రమైన, క్రిమిరహిత ప్రదేశంలో డెలివరీ చేయాల్సి ఉంటుంది. ప్రసవానికి ముందు, తర్వాత మహిళలు వ్యక్తిగత పరిశుభ్రతను పాటించాల్సి ఉంటుంది. శుభ్రమైన నీటితో స్నానం చేయడంతో పాటు మహిళలు తమ జననాంగాన్నికూడా ప్రతి రోజూ శుభ్రపరుచుకోవాలి. గాయాలు ఏర్ప డితే వెంటనే వైద్యం చేయించుకొని యాంటి బయాటిక్స్‌ మందులను వాడాలి. వ్యక్తిగత పరిశుభ్రతలో ప్యాడ్స్‌ను వాడడం శ్రేయస్కరం. ఇన్‌ఫెక్షన్‌ బాగా ఉంటే వేరుగా ఉండే గదిలో విశ్రాంతి తీసుకోవాలి.