సిజేరియన్ తర్వాత యోని ద్వారా జననం సాధ్యమా?

సిజేరియన్ లో మీ గర్భం పై పెట్టిన కోత సమాంతరమైంది అయితే రెండో సారి యోని జననం తేలిక. ఆ కోత కనుక టి ఆకారం లేదా నిలువుగా పెట్టినట్లయితే, రెండో జననం యోనిద్వారా అవటం కష్టం. మీకు గతంలో ఫైబ్రాయిడ్స్ లేదా గర్భసంచి సర్జరీలు లేకుంటే, తప్పక రెండోసారి డెలివరీలో యోని జననానికి ప్రయత్నించండి. మీ గర్భం బొడ్డుతాడు సమస్యలతో కూడుకున్నది కాక సాధారణమైనదిగా వుండాలి అపుడే యోని జననం సాధ్యం.

మీ కటి ప్రదేశం బేబీని డెలివరీ చేయటానికి తగినంత పెద్దదై వుండాలి. మొదటి సారి ప్రయత్నించి ఈ కారణంగా విఫలమైతే, రెండో సారి సూచించదగినది కాదు. ఈ పరిస్ధితిలో మీ గైనకాలజిస్టు తప్పక పరీక్షించి సాధ్యమని సరైన సలహా ఇవ్వాలి. మీ రెండో ప్రెగ్నెన్సీ మొదటి సిజేరియన్ నుండి ఒకటిన్నర సంవత్సరాలలోపు అయినా, గర్భవతి 40 సంవత్సరాల వయసుకి మించి వున్నా, డయాబెటీస్, రక్తపోటు వంటివి వున్న ప్రత్యేక పరిస్ధితిలోను, బేబీ తల అసాధారణంగా పెద్దదిగా వున్నా, మీ ప్రెగ్నెన్సీ 40వ వారంలోకి వచ్చేసి డెలివరీ అవ్వకపోయినా, సహజ యోని జననం కంటే కూడా సిజేరియన్ మంచిది.