కాన్పు తర్వాత రతి ఎప్పుడు చేయాలి?!

Post Natal

oi-Nageswara

By B N Sharma

Published: Wednesday, July 18, 2012, 14:24 [IST]

బిడ్డ పుట్టిన తర్వాత మహిళల హార్మోన్లలో కొన్ని మార్పులు వస్తాయి. ఈ కారణంగా సుమారు మూడు నెలల తర్వాత కూడా యోని పొడిబారే అవకాశం వుంటుంది. తల్లిపాలు ఇచ్చే మహిళలు సహజంగా రతియందు ఆసక్తి లేక వుంటారు. రతిలో నొప్పి కలిగి బాధాకరంగా భావిస్తారు. దీనికి కారణం వీరిలో ఈస్ట్రోజన్ స్ధాయి తగ్గుతుంది. కొంతమంది మహిళలకు డెలివరీలో కనుక అధిక సమస్యలేర్పడితే, వారిలో రతియందు ఆసక్తి అధిక కాలం కోల్పోతారు.

మహిళ గర్భాశయం సరైన ఆరోగ్యం సంతరించుకోకుండానే, బిడ్డ పుట్టిన వెంటనే కొద్దిరోజులకే రతిక్రీడ చేస్తే రక్తనాళాలలో గాలి అడ్డుపడే ప్రమాదం వుంది. ప్రధానంగా రతిక్రీడలో మహిళ మోకాళ్ళు ఆమె ఛాతీకి ప్రెస్ చేయటం వంటివి చేస్తే ఈ సమస్య వస్తుంది. అయితే ఇది చాలా అరుదుగా వచ్చే సమస్య. ప్రెగ్నెన్సీ తర్వాత సాధారణంగా రతికి అడ్డుపడే సమస్యలు గర్భాశయంలోని ఇన్ ఫెక్షన్ మరియు యోని వద్ద కలిగే కొన్ని కోతలు, చినుగులు వంటివి అని చెప్పాలి.

మహిళకు ప్రసవం అయిన సంవత్సరంలో తక్కువ రతి ఆసక్తి వుంటుంది. కొంతమంది మహిళలు 8 నెలలకే రతికి సిద్ధం అవుతారని కూడా చెపుతారు. బిడ్డ పుట్టిన తర్వాత మహిళల శరీరపటుత్వం తగ్గి ఆకర్షణ కోల్పోతుంది. వారిలో వచ్చే శారీరక మార్పులు వారికి అసౌకర్యంగా వుంటాయి. ఎపుడూ నిద్ర అధికంగా పోవాలని ప్రయత్నిస్తారు. తన భాగస్వామితో రతికి అంగీకరించరు. కనీసం అంటే ఆరు నెలల కాలం వరకు వీరు రతికి అంగీకరించరు.

బిడ్డను ప్రసవించిన తర్వాత మహిళ అనేక మానసిక, శారీరక మార్పులకు గురవుతుంది. అందులోను సిజేరియన్ ఆపరేషన్ అయితే ఆమె ఆరోగ్యం మరింత దిగజారుతుంది. నేటి రోజుల్లో బిడ్డను కనడం అంటే సిజేరియన్ చేసి డెలివరీ చేయడమేగా సాధారణం అయిపోయింది. మహిళలు కూడా యోని ద్వారా బిడ్డ జననం కంటే సిజేరియన్ ఆపరేషన్ ద్వారా బిడ్డను పుట్టించుకోవడం తేలికగా భావిస్తున్నారు. అయితే, సిజేరియన్ తర్వాత తీసుకోవలసిన ఆరోగ్యపర జాగ్రత్తలు శ్రద్ధగా పాటించాలి. లేదంటే, తల్లికి ఆమెతో పాటు బిడ్డకు కూడా అనారోగ్యాలు కలిగే ప్రమాదముంది.