బాలింతలకు జ్వరం వస్తే ఏం చేయాలి?

Post Natal

oi-Nageswara

By B N Sharma

Published: Thursday, February 16, 2012, 11:09 [IST]

బిడ్డను ప్రసవించిన తర్వాత మహిళ అనేక మానసిక, శారీరక మార్పులకు గురవుతుంది. బాలింత దశలో మహిళ అనేక వ్యాధులకు, ఆరోగ్య సమస్యలకు గురవుతుంది. జ్వరం కూడా వస్తుంది. జ్వరానికి కారణం డెలివరీ తర్వాత ఆమెకు వచ్చే ఇన్ ఫెక్షన్ కారణంగా అని చెపుతారు. డెలివరీ అయిన రెండవ రోజు నుండి పదవ రోజు వరకు ఆమెకు జ్వరం వుంటుంది. శరీర ఉష్ణోగ్రత 38 డిగ్రీ సెంటీగ్రేడ్ ల పైగా వుంటే జ్వరం వచ్చినట్లే.

అటువంటపుడు ఆమెకు రక్త పరీక్షలు చేయించి వైద్యుని సలహాలతో ఇన్ ఫెక్షన్ తగ్గేట్లు చేయాలి. యోని ద్వారా జననం అయితే, బాక్టీరియా ఇన్ ఫెక్షన్ వలన కూడా జ్వరం రావచ్చు. జ్వరంతోపాటు గర్భాశయ లోపలి పొర మంటకూడా పెడుతుంది.

బిడ్డ కలిగిన తర్వాత ఆమెకు అయ్యే రక్తస్రావం చెడు వాసన కలిగి వుంటుంది. మూత్రం కూడా రంగుమారి చెడు వాసన కొడుతుంటే, వైద్యులను సంప్రదించి తగిన మందులు వాడాలి. డెలివరీ తర్వాత తరచుగా ఆమెకు దుస్తులు మార్చాలి. వీలైనంతవరకు కాటన్ దుస్తులు ధరించేలా చేయాలి. వ్యక్తిగత, పరిసరాల పరిశుభ్రత ప్రధానం. స్తనాలు గట్టిపడటం వలన కూడా జ్వరం వచ్చే అవకాశం వుంది. బిగువుగా వుండే బ్రా లు వాడరాదు. నీరు బాగా తాగటం, ద్రవాహారాలు బాగా తినటం వంటివి చేస్తే కొంత ఊరట కలుగుతుంది.