బాలింతలకు చెమట అధికమా?

ఈ సమయంలో చెమటే కాదు, ఈమెకు మూత్రం కూడా అధికంగా వస్తుంది. కొంతమందికి అధిక కాలం పాటు ఈ సమస్యలుంటాయి. దీనికి కారణం ఈస్ట్రోజన్ స్ధాయి తగ్గటం, జీవక్రీయలోని ఇతర మార్పులు. డెలివరీ అయిన వెంటనే చెమటతోపాటు ఆమెకు కొంత జ్వరం కూడా వుంటుంది. మరీ అధికమైతే, డాక్టర్ ను సంప్రదించండి. అది ధైరాయిడ్ అధికంగా పనిచేయటం వలన కూడా కావచ్చు.

ఈ పరిస్ధితిలో మహిళకు అలసట, సోమరితనం వంటివి కలుగుతాయి. ద్రవాహారాలు మానకండి. తగినంత పండ్లరసాలు, నీరు తప్పక తాగండి. అన్ని పోషకాలు కల ఆహారం భుజించటం నూనెలు, మసాలాలు కల ఆహారాలు మానటం చేయాలి. వదులుగా వుండే కాటన్ దుస్తులు ధరించి చర్మానికి గాలి తగలనీయండి.