మహిళకు ముఫ్పై అయిదేళ్ళ తర్వాత గర్భం వస్తే?

35 ఏళ్ళ వయసు పైబడి గర్భం వస్తే అది సురక్షితమా? ప్రస్తుత వైద్య విధానాలు మెరుగైనందున ఈ వయసులో గర్భం వచ్చినా సురక్షితమే నంటున్నారు వైద్యులు. కాని చిన్న వయసు మహిళలకంటే వీరిలో సమస్యలు అధికం. బిడ్డ పుటుకను వాయిదా వేస్తే, తర్వాతి రోజులలో కలిగే ఆరోగ్య అసౌకర్యాలను బిడ్డ పుటుకలోను వచ్చే సమస్యలకు తగినంత జాగ్రత్తలు తీసుకోవాలి.

పుట్టే బిడ్డలో లోపాలు పెరిగే అవకాశంకూడా లేకపోలేదు. దీనికి కారణం అండం, అసాధారణంగా వృధ్ధి పొందుతుంది. మహిళకు 35సంవత్సరాల వయసునుండి అసాధారణమైన మార్పులుశరీరంలో జరుగుతాయి. ఇరవై ఏళ్ళ మహిళలకు పుట్టిన 1400మంది బేబీలలో ఒకరికి డవున్ సిండ్రోమ్ కలిగితే, 40 ఏళ్ళ మహిళలకు పుట్టిన 100 మంది బిడ్డలలో ఒకరికి ఈ వ్యాధి కలుగుతోంది. అంతేకాదు, మహిళ వయసు అధికమయ్యే కొద్దీ గర్భవిచ్ఛిన్నం అయ్యే అవకాశాలుంటాయి. డయాబెటీస్, రక్తపోటు వంటి సమస్యలు అధికంగా వస్తాయి. చనిపోయిన బిడ్డ పుట్టే అవకాశాలు కూడా వుంటాయి. సిజేరియన్ సాధారణమవుతుంది.