కాన్పు తర్వాత ప్రయాణాలు ఎప్పటివరకు సురక్షితం?

1. సిజేరియన్ డెలివరీ అయ్యిందా? కనీసం ఒక నెలరోజులవరకు ప్రయాణించకండి. సిజేరియన్ తర్వాత ప్రయాణం కష్టమవుతుంది. కుట్లు సడిలే అవకాశం వుంది. వాటికి ప్రతిరోజూ డ్రసింగ్ అవసరం అవుతుంది. కుట్లు రెండు రోజులలో తగ్గినా డాక్టర్లు కనీసం 30 రోజుల బెడ్ రెస్ట్ ఆచరించమని చెపుతారు. విశ్రాంతి తీసుకుంటే ఇన్ఫెక్షన్, హెర్నియా వంటివి రాకుండా వుంటాయి.

2. ప్రయాణ దూరం ఎంత వుండాలి? కనీసం రెండువారాల తర్వాత ఒక అర మైలు వరకు ప్రయాణించవచ్చు. రెండు వారాలకు మీ కుట్లు స్ధిరపడి కొంత ఎండిపోతాయి. విదేశీ ప్రయాణాలవంటివి ఆచరణీయం కాదు. అయితే, పరిస్ధితినిబట్టి వైద్యుల సలహా మేరకు ప్రయాణాలు చేయండి.

3. ఏ వాహనంపై ప్రయాణించాలి? సిజేరియన్ అయిన ఒక నెలవరకు విమాన ప్రయాణం పనికిరాదు. ఒక సర్జరీ తర్వాత కనీసం నెలరోజులు విశ్రాంతి తప్పక వుండాలి. యోని ద్వారా జననం అయితే స్వస్ధత చేకూర్చుకోవడానికి కనీసం ఒక వారం రోజులు పడుతుంది. రోడ్డు ప్రయాణం మంచిదే కాని తక్కువ దూరాలు మాత్రమే చేయాలి. వీలైనంత వరకు, కాన్పు సిజేరియన్ అయినా, యోని జననం అయినా రైలుబండ్లలో ప్రయాణించటం తల్లికి బిడ్డకు సురక్షితం.

4. సమస్యలు లేని సాధారణ డెలివరీ అయినట్లయితే, మీరు మీ ప్రయాణాలను మానాల్సిన పనిలేదు. అయితే, గర్భధారణ సమయంలో సమస్యలుండి కాన్పు సమయంలో క్లిష్టమైతే మాత్రం ప్రయాణాలకు మీరు తప్పని సరిగా వైద్యుల సలహా పొందాలి.

కాన్పు తర్వాత మీరు చేసే ప్రయాణాల సురక్షితానికిగాను మీ వైద్యుల సలహాలు పాటించి తల్లి, బిడ్డలు క్షేమంగా వుండండి.