ప్రసవం తర్వాత వాళ్ల శరీరంలో జరిగే 9 మార్పులు

తరచూ అలసట:

కొత్తగా తల్లైన వాళ్లు అప్పుడే పుట్టిన బేబీ కోసం చాలా జాగ్రత్తలు తీసుకోవాల్సి ఉంటుంది. అందుకోసం ఆమె వివిధ రకాలుగా పనిచేయాల్సి ఉంటుంది. దాంతో ఆమె ఎక్కువ అలసిపోతుంది. బేబీ ఏడ్చినప్పుడతంతా పాలు పట్టడం, రాత్రుల్లో అదనపు గంటలు నిద్రమేలుకోవడం వల్ల తల్లిలో అలసట వస్తుంది.

చికాకు:

శిశువు జన్మించిన తర్వాత , ప్రసవించిన తల్లిలో ప్రెగ్నెన్సీ హార్మోన్లు తిరిగి క్రమబద్దం అవ్వడానికి కొద్దిగా సమయం పడుతుంది. అది కొత్తగా తల్లైన వారిలో చీకాకును, అలసటను కలిగిస్తాయి.

రతి మీద ఆసక్తి ఉండదు:

బిడ్డ పుట్టిన తర్వాత మహిళ శరీరం రికవర్ అవ్వడానికి కొద్దిగా సమయం పడుతుంది. కాబట్టి, ప్రసవం తర్వాత కొన్ని రోజులు ఆమె సెక్సువల్ ఇంటర్ కోర్సు ఇష్టపడదు.

స్ట్రెచ్ మార్క్స్ :

స్ట్రెర్చ్ మార్క్స్ గర్భిణీలకు సాధారణం. చైల్డ్ బర్త్ తర్వాత ఆమెలో స్ట్రెచ్ మార్క్స్ పెరగడం, సైజ్ చిన్నగా లేదా పెద్దగా అవ్వడం జరుగుతుంది. వేగంగా స్కిన్ టిష్యులు స్ట్రెచ్ అవ్వడం వల్ల పొట్ట చుట్టు స్ట్రెచ్ మార్క్స్ ఏర్పడుతాయి.

దుస్తులు ఫిట్ గా ఉండవు:

ఇష్టమైన , అందమైన దుస్తులను ప్రసవం తర్వాత ధరించాలనుకుంటారు కానీ, అది జరగదు, ప్రసవం తర్వాత అవి మీకు సరిగా ఫిట్ కాకపోవచ్చు . పోస్ట్ ప్రెగ్నెన్సీ వెయిట్ లాస్ జాగ్రత్తలు తీసుకోవల్సి ఉంటుంది .

చాతీ సున్నితంగా ఉంటుంది:

చాతీ చాలా సున్నితమైన ప్రదేశం. కొన్ని సందర్భాల్లో నొప్పిగా కూడా ఉంటుంది. ఇది హార్మోనల్ అసమతుల్యత వల్ల ఏర్పడుతుంది. బేబీకి పాలు పట్టడం వల్ల కూడా రొమ్ములు మరింత సున్నితంగా మారుతాయి.

జుట్టు రాలడం :

చాలా మంది మహిళల్లో ఈ సమస్య ఉంటుంది. ప్రసవం తర్వాత మహిళల్లో హార్మోనులు తిరిగి పూర్వస్థితికి వచ్చే సమయంలో బేబీ చూసుకొనే సమయంలో ఒత్తిడి వల్ల జుట్టు రాలే సమస్యలుంటాయి.

తరచూ మూత్ర విసర్జన:

బిడ్డ పుట్టిన తర్వాత కూడా మహిళ శరీరంలో కొన్ని భాగాలు, నొప్పులు, సలుపులు కలిగి ఉంటాయి. కొన్ని బాగాల మీద ఒత్తిడి పడటం వల్ల యూరిన్ పోవాలనిపిస్తుంటుంది. సాధారణంగా కంటే ఎక్కువసార్లు బాత్రూమ్ కు వెళ్లాలనిపిస్తుంది.

ఆకలి ఎక్కువగా ఉంటుంది:

హార్మోనులు అసమతౌల్యత వల్ల, బేబీ ఫీడింగ్ వల్ల తల్లిలో ఆకలి ఎక్కువగా ఉంటుంది. ఈ సమయంలో హెల్తీ డైట్ తీసుకోవడం చాలా అసవరం.