తల్లిపాలల్లో ఏ పదార్థాలు ఉంటాయి?

1.నీళ్ళు

తల్లిపాలల్లో ముఖ్య భాగం నీరు. మీరు మామూలు పాలకన్నా తల్లిపాలు కొంచెం పల్చగా ఉండటం చూసే ఉంటారు. ఇది అందుకే కొత్తగా పుట్టిన బేబీ సున్నితమైన పొట్టకి సరిపోతుంది. తన జీర్ణవ్యవస్థ ఇంకా సంక్లిష్ట పదార్థాలను జీర్ణం చేసుకోలేదు. నిజానికి తల్లిపాలల్లో 90% నీరు ఉంటుంది. ఇది మీ బేబీని హైడ్రేటడ్ గా ఉండి, లోపలి అవయవాలను రక్షిస్తుంది.

2.ప్రొటీన్లు

ప్రొటీన్లు కండరాలు ఏర్పడటానికి ఇటుకలలాంటివి.బేబీకి ఇవి చాలా అవసరం. తల్లిపాలల్లో బేబీ ఎదగటానికి సాయపడే సింపుల్ ప్రొటీన్లు సరైన మొత్తంలో ఉంటాయి. ఇందులో కన్పించే ముఖ్య ప్రొటీన్ లాక్టోఫెర్రిన్, ఇది మీ బేబీని ఇన్ఫెక్షన్ల నుంచి దూరంగా ఉంచుతుంది. ఇది ఎదగటానికి ముఖ్య ఖనిజలవణమైన ఐరన్ ను కూడా శరీరం పీల్చుకోడంలో సాయపడుతుంది.

3. కార్బోహైడ్రేట్లు

కార్బోహైడ్రేట్లు ఒంట్లో శక్తికి ముఖ్య ఆధారాలు. పాలల్లో ఉండే సాధారణ చక్కెర లాక్టోస్ తల్లిపాలల్లో ఎక్కువ ఉండి బేబీకి శక్తినిస్తుంది. తల్లిపాలల్లో ఇతర కార్బొహైడ్రేట్లయిన ఒలిగోసాకరైడ్స్ కూడా ఉంటాయి. ఇవి పేగుల్లో ఆరోగ్యకరమైన బ్యాక్టీరియాను పెంచి డయేరియాను దూరంగా ఉంచుతాయి.

4.కొవ్వులు

మీ బేబీకి కొవ్వు పదార్థాలు రెండు కారణాలవలన కావాలి. కొవ్వుపదార్థాలు శక్తిని ఇస్తాయి అలాగే బరువు పెరిగేలా చేస్తాయి,ఇది బేబీ ఎదగటంలో చాలా ముఖ్యం. ముఖ్యమైన ఫ్యాటీ యాసిడ్లయిన డిహెచ్ ఎ వంటివి బేబీ మెదడు ఎదుగుదల, నాడీ వ్యవస్థ,చూపు సరిగ్గా రూపుదిద్దుకోవటంలో ప్రధాన పాత్ర పోషిస్తాయి.

5. ఇమ్యునోగ్లోబ్లిన్స్

తల్లిపాలల్లో ఇమ్యునోగ్లోబ్లిన్లు ఎక్కువగా ఉంటాయి.ఇవి ఇన్ఫెక్షన్లని పెంచే సూక్ష్మజీవులతో పోరాడటానికి శరీరంలో ఉండే యాంటీబాడీస్. మీ బేబీ రోగనిరోధక వ్యవస్థ పూర్తిగా పెరిగి ఉండదు, అందువల్ల ఇన్ఫెక్షన్లు సోకవచ్చు,ఇవి ఎదుగుదలలో ఆటంకాలు తెస్తాయి.అందుకని తల్లిపాలు తాగటం వలన మీ బేబీ తరచూ జబ్బు పడకుండా ఉంటారు.

6.విటమిన్లు

కొత్తగా పుట్టిన పాపాయిలకి అవసరమైనది,ముఖ్యమైనవి విటమిన్లు. విటమిన్లు సరైన మొత్తంలో, ముఖ్యంగా విటమిన్ డి పిల్లల్లో స్కర్వీ రాకుండా ఉంచుతుంది. ఈ స్కర్వీ విటమిన్ డి లోపం వలన సాధారణంగా బేబీలలో కన్పిస్తుంది. ఇతర విటమిన్లయిన విటమి ఎ, బి3 వంటివి బేబీలలో జుట్టు,చర్మం ఆరోగ్యంగా పెరిగేలా చేస్తాయి.

7.హార్మోన్లు, ఎంజైములు

మీ బేబీ శరీరం ఇంకా హార్మోన్లను స్రవించేంత పూర్తిగా ఎదగలేదు కాబట్టి, మీ తల్లిపాలే వాటికి ముఖ్య వనరుగా మారతాయి. ముఖ్య హార్మోన్లయిన ప్రోలాక్టిన్, థైరాక్సిన్, ఎండార్ఫిన్స్ వంటివి మీ బేబీ శరీరం బాగా పనిచేసేలా చూస్తాయి. పాలల్లో ఉండే ఎంజైములు బేబీకి అవి జీర్ణమయ్యేలా చూస్తాయి.

8.ఖనిజ లవణాలు

మీ బేబీ ఎదిగే శరీరానికి కొన్ని ఖనిజలవణాలు ఐరన్,జింక్, సోడియం వంటివి తక్కువ మొత్తాల్లో కావాలి. ఇవి తల్లిపాలల్లో దొరుకుతాయి. ఈ ఖనిజలవణాలు శరీరానికి రక్తం పట్టేలా చేస్తాయి. వారు పెరిగేటప్పుడు ఆక్సిజన్ ను వివిధ అవయవాలకి రవాణా అయ్యేట్లా చూసి, శ్వాసక్రియ, గుండె కూడా బాగా పనిచేసేలా చూస్తాయి.

ఒక్క మాటలో చెప్పాలంటే మీ బేబీ పెరగటానికి కావాలసినది కేవలం తల్లిపాలే. పిల్లల డాక్టర్లు కూడా బేబీ పుట్టినప్పటి నుండి కనీసం ఆరు నెలలయినా కేవలం తల్లిపాలే పట్టాలని సూచిస్తున్నారు.