పాలిచ్చే తల్లులు ఎందుకు ఆల్కహాల్ తీసుకోకూడదు?

-మొదటి నెలల్లో తల్లిపాలు

మానవ బ్రెస్ట్ పాలల్లో అనేక పోషకాలు నిండివుంటాయి. ఫలితంగా మొదటి ఆరునెలల కాలంలో మీ బిడ్డకి ఇంకే ఆహారం అవసరం కూడా ఉండదు. ఈ తల్లిపాలు ఎంత సంపూర్ణమంటే పక్కన మంచినీరు కూడా పట్టించనక్కర్లేదు. పరిశోధనల్లో మొదటి ఆరునెలల వయస్సులో కేవలం తల్లిపాలు తాగిన పిల్లల జీవితంలో తర్వాతకాలంలో చాలా ఆరోగ్యంగా ఉన్నట్లు తేలింది.

-పోస్ట్ పార్టమ్లో ఆల్కహాల్ తీసుకోవడం

అధ్యయనాలలో డెలివరీ అయిన తర్వాత మొదటి కొన్నిరోజులలో ( ఈ సమయాన్ని పోస్ట్ పార్టమ్ అంటారు) ఆల్కహాల్ తీసుకోవటం వలన మీ బిడ్డ సహజంగా తీసుకునే తల్లిపాలకన్నా 20% తక్కువ తాగుతాడని తేలింది. బేబీకి తల్లిపాలే ఏకైక ఆహారం కాబట్టి, ఇలా జరగటం వలన వారి ఆరోగ్యంపై దీర్ఘకాలంలో ప్రభావం పడుతుంది.

-తల్లిపాలల్లో ఆల్కహాల్

తల్లి ఏం తీసుకుంటే అది తల్లిపాలల్లోకి చేరుతుంది. పరిశోధనలు తల్లి ఎంత ఆల్కహాల్ తీసుకుంటే అందులో 0.5% నుంచి 3.3% వరకూ తల్లిపాలల్లో చేరుతుందని తెలిపాయి. మీకు 0.5,3.3 సంఖ్యలు చిన్నగానే కన్పించవచ్చు కానీ రెగ్యులర్ గా మద్యం సేవించే తల్లులకి ఇదే నిజం హానికరంగా మారి దీర్ఘకాలంలో వారి పిల్లలపై తీవ్ర ప్రభావం పడుతుంది. పరిశోధనలు తల్లిపాలల్లో ఆల్కహాల్ ఉండటం వల్ల పిల్లల్లో తెలివితేటలు తగ్గుతాయని నిరూపించాయి.

-పోషకాల విలువ తగ్గుతుంది

తల్లిపాలల్లో అవసరమైన ముఖ్యపోషకాలన్నీ ఎంత కావాలో అంతలో ఉంటాయి. అయితే ఇందులో ఆల్కహాల్ భాగం తీసుకుందంటే, మొత్తం మీద పోషకాల విలువలు తగ్గుతాయి. ఇంకా చెడ్డ విషయం, రోజువారీ ఆహారంలో ఆల్కహాల్ ఉండటం వలన ఫోలేట్, ఇతర పోషకాలను పీల్చుకునే శక్తి ఆగిపోతుంది.

-రోగనిరోధక శక్తి తగ్గుతుంది

బేబీ గర్భాశయం నుంచి ప్రపంచంలోకి అడుగుపెట్టాక, అది చాలా కఠిన స్థితులను,మార్పులను ఎదుర్కొని జీవించాలి. దానికోసం బేబీకి సరైన రోగనిరోధకశక్తి అవసరం. తల్లి ఇచ్చే పాలల్లోని శక్తి వలనే బేబీలు సూక్ష్మజీవులు,వ్యాధులతో పోరాడి ఆరోగ్యంగా ఉండగలుగుతారు.

-పిల్లల మానసిక వికాసం

మెదడులో ఎక్కువ మోతాదులో ఆల్జహాల్ చేరితే మీ అప్పుడే పుట్టిన బేబీకి జీవితకాల హాని జరగవచ్చు. మొట్టమొదటగా భవిష్యత్తులో వీరికే కాలేయ సమస్యలు వచ్చే రిస్క్ ఎక్కువగా ఉంటుంది.

సరిగ్గా పాలుపట్టకపోవటం, నిద్రపుచ్చడంలో సమస్యలు

తల్లిపాలల్లో ఆల్కహాల్ ఉండి, అది తాగిన బేబీలు ఎప్పుడూ చిరాగ్గా ఉంటూ, ఎక్కువగా ఏడుస్తుండటం చూడవచ్చు. దీనికి ముఖ్యకారణం ఆ బేబీలు సరిగ్గా నిద్రపోలేరు.ఫలితంగా వారి ఆహారం అలవాట్లు కూడా మారి పరిస్థితులు ఇంకా క్లిష్టంగా మారతాయి.