పాలుపట్టటంలో వున్న ఆనందం అనుభవించండి!

Pre Natal

oi-Nageswara

By B N Sharma

Published: Wednesday, October 5, 2011, 14:05 [IST]

గర్భం ధరించటమనేది మహిళ జీవితంలో మరపురాని సంతోష సమయం. తమ సంతతికి పాలు పట్టే జీవాలలో మానవ జాతి ఒకటి. వీరికి తమ సంతతి ప్రపంచంలో పడ్డ తర్వాత ఎదుగుదలకై పాలగ్రంధులు, స్తనాలు సృష్టించబడ్డాయి. కనుక ప్రెగ్నెన్సీ సమయంలో శరీరం అనేక శారీరక, హర్మోను సంబంధిత మార్పులకు గురవుతుంది. కొవ్వు, పాలగ్రంధులు అభివృద్ధి చెంది మహిళ స్తనాల సైజు పెరుగుతుంది. గర్భవతి దశలో తన స్తనాలపట్ల జాగ్రత్త వహించటం కాబోయే తల్లికిగల ప్రధాన భాధ్యత. ఈ జాగ్రత్తలు బిడ్డ పుట్టిన తర్వాత ఎట్టి సమస్యలకు దారితీయకుండా వుంటాయి. అయితే, కొన్ని స్తనాల జాగ్రత్తలు పాటిస్తే, అసమతుల్య స్తనాలు ఏర్పడకుండాను, బ్రెస్ట్ కేన్సర్ రాకుండాను, బేబీ పుటటిన తర్వాత పాల సమస్యలు రాకుండాను వుండగలదు.

కొన్ని జాగ్రత్తలు పరిశీలించండి-
1. గర్భవతికి మొదటి త్రైమాసికంలో స్తనాల సైజు వేగంగా పెరుగుతుంది. ఈ సమయంలో సరైన సైజు బ్రా వేసుకోవాలి. బిడ్డకు పాలు పట్టేవరకు బ్రా సైజులు మారుస్తూనే వుండండి. ఏ రకమైన స్ట్రెచ్ మార్కులు రాకుండా వుంటాయి.

2. బ్రాకు దిగువన వైర్ వున్న బ్రాలు వాడకండి. అవి పాలగ్రంధుల ఉత్పత్తిని అడ్డగిస్తాయి. టైట్ గా వుండే బ్రా వేస్తే అది చను మొనలను పట్టి పాల గొట్టాలను బ్లాక్ చేస్తుంది.

3. సైజు పెరుగుతూంటే స్తనాల మొనలు చిట్లుతాయి. నూనెతో మర్దన చేసి వాటిని కాపాడండి. లేకుంటే బిడ్డకు పాలు పట్టటం కష్టమవుతుంది. అవసరమైతే డాక్టర్ ను సంప్రదించండి.

4. గర్భస్ధ దశ చివరి త్రైమాసికంలో చనుమొనలనుండి ద్రవాలు కారతాయి. ఇది సహజమే. అవసరపడ్డపుడల్లా బ్రాసరీ మార్చండి. చనుమొనలు ఎపుడూ తడిగా వుంటే ఇన్ ఫెక్షన్ ఏర్పడే ప్రమాదం వుంది.

5. కొంతమందికి చనుమొనలు కుచించుకుపోతాయి. వాటిని మెల్లగా పైకి లాగుతూ సరైన పొజిషన్ కు వచ్చేట్లు చేయాలి. లేకుంటే బిడ్డకు పాలు పట్టటం కష్టమవుతుంది.

ఈ జాగ్రత్తలు పాటించకపోతే పాలు పట్టే ప్రక్రియ బాధాకరమై బేబీ కి బాటిల్ పాలు ఇవ్వవలసి వస్తుంది. కనుక ఈ జాగ్రత్తలు పాటించి బిడ్డకు పాలుపట్టటంలో వున్న ఆనందం అనుభవించండి.