గర్భిణీ స్త్రీ కాళ్ళ వాపుకు కారణాలు, నివారణలు!

Pre Natal

oi-Nageswara

By B N Sharma

Published: Friday, September 23, 2011, 16:09 [IST]

గర్భిణీగా వున్నపుడు కాళ్ళు వాపు రావటమనేది సహజం. అది అసౌకర్యమే. కాదనేది లేదు. గట్టిగా చెప్పే కారణం కూడా కనపడదు. కాళ్ళు మాత్రమే కాదు శరీరమంతా కూడా ఉబ్బుతుంది. గర్భవతిగా వున్నపుడు మీరు లావెక్కినపుడు అందులో మూడు వంతుల బరువు నీటిది మాత్రమే. కనుక బిడ్డ పుట్టిన తర్వాత ఈ బరువు తగ్గటానికి మీరు శ్రమపడాల్సిన అవసరంలేదు. నీటి వలన ఏర్పడిన బరువు దానంతట అదే తగ్గిపోతుంది. సమస్య తీవ్రత ఎపుడు అధికంగా వుంటుందంటే....బాగా అలసిన తర్వాత రాత్రి పడుకునేటపుడు ఎండా కాలంలో చాలా బాధాకరంగా వుంటుంది.

కాళ్లు ఎందుకా వాపు చూసిస్తాయి?
వైద్య భాషలో దీనిని ఎడిమా అంటారు. శరీరం అధిక నీటిని రక్తాన్ని ప్రెగ్నెన్సీ సమయంలో పిండం ఎదుగుదలకు ఉత్పత్తి చేస్తుంది. మీ బేబీ కడుపులోని నీటిలో తేలియాడుతూ వుంటుంది. ఈ అదనపు నీరు అంతా ఎక్కడికో అక్కడికి పోవాలి కనుక అది శరీరం కిందిభాగమైన కాళ్ళలోకి చేరిపోతుంది.
పొట్ట పెరుగుతూంటే, దిగువ భాగం శరీరంపై ఒత్తిడి పెరుగుతుంది. రక్తసరఫరా నిమ్మదిస్తుంది. గర్భిణీకి మూడవ త్రైమాసికంలో కాళ్ళు, చేతులు వాపురావటం అధికంగా వుండి అసౌకర్యాన్ని కలుగజేస్తుంది.

దీనినుండి రిలీఫ్ పొందటమెలా?
హై హీల్స్, బూట్లు వేయవద్దు. సాగేటి పల్చని చెప్పులు వేయండి. కాళ్ళను ఎపుడు పైకి పెట్టగలిగితే అపుడు పైన పెడుతూ కూర్చోండి. పనిలో కష్టమే. కాని పరిస్ధితి అటువంటిది. కాళ్ళు పైకి పెట్టేందుకై చిన్నపాటి ఎత్తున్న బల్ల లేదా స్టూలు వుంచుకోండి. అధిక రక్తం కాళ్ళవైపుకు రాకుండా వుంటుంది.
ఎక్కువ సేపు నిలబడి వుండకండి. నిలబడితో రక్తం కిందకు ప్రవహిస్తూంటుంది. కాళ్ళ వాపులు తగ్గాలంటే, ఆహార పరంగా పొటాషియం అధికంగాను, సోడియం తక్కువగాను వున్న పదార్ధాలు తినాలి. పదార్ధాలలో ఉప్పు బాగా తగ్గించండి. ఉప్పుకు నీటిని నిలువ చేసే గుణం వుంది. ఎడమవైపుకు తిరిగి పడుకోవడం కూడా మంచిదే. దిగువ శరీరంలోని ప్రధాన రక్త నాళాలు లావెక్కిన మీ శరీరానికి కొంత సౌఖ్యాన్నిస్తాయి.

ఆధునికంగా, గర్భవతుల పాదాలకు టైట్ గా వుండే సాక్స్ వస్తున్నాయి. వాటిని ఉదయం నుండే ధరించి వుంటే కాలి కణాలకు అనవసరమైన ద్రవాలు చేరకుండా వుంటాయి. గర్భవతిగా వున్నపుడు కాళ్ళు కొంతమేర లావుగా ఉబ్బటం సహజమే. అయితే సమస్య తీవ్రంగా వుంటే, ఉబ్బటమనేది ముఖానికి, చేతులకు కూడా చేరితే తక్షణమే వైద్యుడిని సంప్రదించండి.