గర్భిణీ స్త్రీకి రెండో త్రైమాసిక మార్పులు!

By B N Sharma

Published: Friday, August 26, 2011, 11:57 [IST]

గర్భవతికి రెండో త్రైమాసికం అంటే 13 నుండి 26వ వారం వరకు. రెండో త్రైమాసికంలో గర్భవతి మహిళ మొదటి నెలలో వచ్చే వాంతులు, తలనొప్పి, ఉదయపు పైత్యం, మొదలైన వాటినుండి దూరం అవుతుంది. రెండో త్రైమాసికంలో, మరి కొన్ని పరిణామాలు సంభవిస్తాయి. మొదటి త్రైమాసికం బిడ్డ ఎదుగుదలకు అనువైన పరిస్ధితులనేర్పరచటానికి ఎంతో క్లిష్టమైనది కాగా మూడో త్రైమాసికం మహిళలకు కొంత ఊరట నిచ్చి కొంత మేర సౌకర్యంగా వుండేలా చేస్తుంది. ఇక మూడో త్రైమాసికం బేబీ ఎదుగుదల, కాన్పు సరిగా అయ్యే పరిస్ధితులకు దోహదం చేస్తుంది. రెండో త్రైమాసికంలో పొట్ట సాగుతూంటుంది. సాగిన మచ్చలు, పుట్టుమచ్చలు, చర్మం, పులిపురులు అన్నీ బ్లడ్ లో ఈస్త్రోజన్ అధికమవటం వల్ల పెద్దవైపోతాయి. పాలిండ్లు పెద్దవైపోతాయి. వాటిలో వున్న పాల గ్రంధులు చురుకుగా పని చేస్తాయి. పాలిండ్లు ఉబ్బుదల చూపినప్పటికి చను మొనలు మెత్తగానే వుంటాయి. ఇక పాలిండ్ల షేప్ సరిగా వుంచుకోటానికి తగిన బ్రా వాడవలసి వస్తుంది.

కళ్ళు బైర్లు కమ్మటం: రక్తనాళాలు పెద్దవై పూర్తిగా రక్తంతో నిండి వుంటాయి. బ్లడ్ లెవెల్ పడటంతో కొంత అలసట, కళ్ళు తిరగటం మొదలైనవి వుంటాయి. ఈ సమయంలో వీలైనంత అధికంగా ద్రవపదార్ధాలు తీసుకోండి పడుకున్నా, కూర్చున్నా లేచేటపుడు మెల్లగా లేవండి. కళ్ళు మైకంగా వుంటే వీలైనంత మేరకు ఎడమవైపుకు తిరిగి సరి అయిన బ్లడ్ సర్కులేషన్కు సహకరించండి.

చిగుళ్ళు, ముక్కు: బ్రష్ చేసేటపుడు నోటిలోని చిగుళ్లు, పళ్ళు కొద్దిపాటి రక్తాన్ని స్రవించవచ్చు. మెత్తటి బ్రష్ వాడండి. రక్తం అధికంగా రక్తనాళాలలో ప్రవహిస్తుండటం వలన గురక, ముక్కు దిబ్బడ, లేదా ముక్కులోంచి రక్తం రావటం కూడా జరగవచ్చు.

చర్మం: బ్లడ్ సర్కు లేషన్ అధికంగా వుండటంతో చర్మం కొంచెం రంగు మారుతుంది. చనుమునలు, ముఖంలో కొన్ని భాగాలు బొడ్డు నుండి జననాంగ ఎముక వరకు రంగు మారే అవకాశం వుంది. ఎండ తగిలితే మరింత మంటగా వుంటుంది. బయటకు వెళ్ళేటపుడు చర్మానికి సన్ లోషన్ రాసుకుని వెళ్ళడం మంచిది.

స్ట్రెచ్ మార్కులు: ప్రెగ్నెన్సీ లో ఈ సమస్య అందరకు వుండేదే. పింక్, రెడ్ లేదా ఊదా రంగులో పొట్ట, పాలిండ్లు లేదా చేతుల పైభాగం, పిరుదులు, తొడలు మొదలైనవి వుంటాయి. చర్మం సాగటం వల్ల కొంత ఇరిటేషన్ వుంటుంది. ఏవైనా క్రీములు రాయండి. స్ట్రెచ్ మార్కులు పోవటానికి కొన్ని సహజ పద్ధతులు ఆచరించండి.

జననాంగ ద్రవాలు:ఈ రెండో దశ ప్రెగ్నెన్సీలో జననాంగం నుండి కొద్దిపాటి తెల్లటి ద్రవం బయటకు వస్తూంటుంది. ఈ ద్రవం భరించలేని వాసన వస్తే వైద్యుడిని సంప్రదించండి. అశ్రద్ధ చేస్తే జననాంగం ఇన్ఫెక్షన్ కు గురయ్యే అవకాశం వుంది.

ఇవన్నీ సాధారణంగా ప్రెగ్నెన్సీ రెండో దశలో మహిళ శరీరంలో వచ్చే మార్పులు. ఈ సమస్యలకు తగిన పరిష్కారాలు ఎప్పటికపుడు చూపాల్సిన అవసరం వుంది.