గర్భవతుల వికారానికి ఇంటి చికిత్సలు!

అల్లం: ప్రెగ్నెన్సీ సమయంలో వచ్చే వికారాన్ని తగ్గించుకోడానికి అల్లం మంచి ఔషధం. అల్లం కషాయంగాను లేదా టీలో కలుపుకొని తాగితే వికారం తగ్గుతుంది. ఆరోగ్యానికి కూడా మంచిదే. అల్లాన్ని కషాయంగా చేసి అందులో పంచదార, నిమ్మరసం కలిపి వేడిగా లేదంటే చల్లగాను తాగవచ్చు.

నిమ్మ కాయ: ప్రెగ్నెంట్ అయినపుడు వికారాన్ని పోగొట్టుకోవాలంటే నిమ్మకాయను పిండి వాసన చూసినా, నిమ్మరసం తాగినా కొంత ఊరట కలుగుతుంది.

కొద్ది కొద్దిగా తినండి: ప్రతి రోజూ మూడు సార్లు తినాలనేది మరచిపొండి. పొట్ట ఖాళీగా వుంటే...వికారం మరింత పెరుగుతుంది. కొద్ది కొద్దిగా తింటూ తిన్నది జీర్ణం అయేలా చూసుకోండి.

విటమిన్ బి6: మీరు తీసుకునే విటమిన్లలో విటమిన్ బి 6 జత చేయండి. విటమిన్ బి 6 వికారాన్ని తగ్గిస్తుందని పరిశోధనలలో తేలింది. పచ్చి బఠాణీలు, మెంతులు, సోయాబీన్స్, చికెన్ మొదలైన వాటిలో బి 6 అధికంగా వుంటుంది.

పెప్పర్ మింట్ టీ: గర్భవతుల వికారం తగ్గించేందుకు ఇది మరో పరిష్కారం. సురక్షితమైంది కూడాను. మింట్ తీసుకునే ఏ తిండి పదార్ధమైనా సరే వికారాన్ని తగ్గించి తక్షణ ఊరట కలిగిస్తుంది.