మార్నింగ్ సిక్ నెస్ - దాని పరిష్కారాలు!

Pre Natal

oi-Nageswara

By B N Sharma

Published: Friday, October 28, 2011, 15:04 [IST]

గర్భవతుల్లో సుమారుగా 50 శాతం మహిళలు మార్నింగ్ సిక్ నెస్ లేదా ఉదయ వేళ వికారంతో బాధ పడుతూంటారు. కొంతమందికి ఇది తీవ్రంగా వుంటుంది. పేరుకు ఇది మార్నింగ్ సిక్ నెస్ అయినప్పటికి రోజులో ఏ సమయంలోనైనా రావచ్చు. వికారం, చూపు మందగించుట, ఆకలి లేకపోవుట దీని లక్షణాలు. గర్భవతులకు మొదటి త్రైమాసికంలో ఇది వస్తుంది. మార్నింగ్ సిక్ నెస్ ఒక్కోసారి డీహైడ్రేషన్ కూడా కలిగించి కడుపులో వున్న బేబీకి హాని కలిగించగలదు. దీనిని పూర్తిగా నివారించలేం కాని తగ్గించవచ్చు. కొన్ని పరిష్కారాలు చూడండి...

1. అల్లం రసం, లేదా అల్లంటీ లేదా కొన్ని అల్లం ముక్కలు తింటే వికారం పోయి ఆకలి కూడా కలుగుతుంది.
2. గర్భవతులు అధికంగా విటమిన్లు తీసుకుంటే లేదా విటమిన్లు కల గుడ్లు, చేప, పాలు, మాంసం, వెన్న, పచ్చటి ఆకు కూరలు మొదలైనవి తింటే మార్నీంగ్ సిక్ నెస్ తీవ్రత తగ్గుతుంది.
3. రోజంతా చల్లటి నీటిని కొద్ది కొద్దిగా తాగుతూంటే కూడా ఈ సమస్య తగ్గుతుంది.
4. అధికంగా ఆహారం తినకుండా, కొద్ది కొద్ది ఆహారాన్ని ఎక్కువ సార్లు తినాలి. వేపుళ్ళు, మసాలాలు వేసిన ఆహారం తినరాదు.
5. ప్రొటీన్లు అధికంగాకల ఆహారం తీసుకోవాలి.
6. పెప్పర్మింట్ టీ తాగి శరీరంలోని ఎనర్జీ స్ధాయి నిర్వహించాలి.
7. ఖాళీ పొట్ట వుంచవద్దు. గ్యాస్ ఏర్పడే ప్రమాదం వుంది.
8. నిరంతరం ఏదో ఒక పనిలో వుండండి. మార్నింగ్ సిక్ నెస్ గురించి ఆలోచించకండి.

ఈ చర్యలు పాటిస్తే మార్నింగ్ సిక్ నెస్ దూరం అవుతుంది. మూడు నెలల గర్భం దాటితే ఇక ఈ సమస్య వుండదు. ఈ సమస్య తీవ్రంగా వుంటే తప్పక వైద్యుల సలహా పొందండి.