బిడ్డ ఎదుగుదలను అరికట్టే డిప్రెషన్!

అధ్యయన కర్తలు గర్భిణీ స్త్రీలలో కలిగే డిప్రెషన్ కారణంగా వారికి పుట్టే పిల్లలలో కొన్ని ప్రవర్తనా సమస్యలు కూడా వచ్చే అవకాశం వున్నట్లు వారి పరిశోధనలలో తెలుపుతున్నారు. గర్భిణీ స్త్రీ కిగల మనో వ్యధను కనుగొనేటందుకు నర్సులకు శిక్షణకూడా ఇస్తున్నారు. ఈ స్టడీలో 1991 - 92 ల మధ్య సుమారుగా 11,098 మహిళలను వారికి పుట్టిన పిల్లలను పరిశీలించి వారిలోగల వ్యతిరేక ప్రభావాలను ధృవపరిచారు.

మహిళ గర్భవతిగా వున్నపుడు మానసిక వ్యధను కొలిచి సంబంధిత ప్రభావాలను వారి పిల్లలలో కనుగొన్నారు. నిరంతరం వ్యధ చెందిన స్త్రీలలో 50 శాతం పైగా వారి పిల్లలలో కొన్ని సమస్యలు తలెత్తాయి. గర్భిణీ స్త్రీల ఈ మనో వ్యధ పిల్లల తెలివితేటలపై కూడా ప్రభావం చూపుతోందని, డాక్టర్లు, నర్సులు వీరిపట్ల మంచి అవగాహన కలిగి వారికి నెలలు నిండక ముందే వ్యాధిని అతి తొందరగా నయం చేయాలని యూనివర్శిటీ ఆఫ్ ది వెస్ట్ ఆఫ్ ఇంగ్లండ్ లోని సెంటర్ ఫర్ ఛైల్డ్ అండ్ అడలసెంట్ హెల్త్ ప్రొఫెసర్ డా. టోయిటీ దావే తెలిపినట్లు బిబిసి వెల్లడించింది.