కొంపలు ముంచే ‘ సైజ్ జీరోలు ’... !

నేటి రోజుల్లో యువతులు చాలా వరకు సైజ్ జీరో లకు ఎగబాకుతున్నారని మోడల్స్ లేదా సెలబ్రిటీలు వుండే విధంగా సన్నగా వుండేందుకు ప్రయత్నిస్తున్నారని ఈ రకమైన యువతుల తీరు వారికి తీవ్ర సమస్యలు తెచ్చిపెడుతుందని వైద్య నిపుణులు చెపుతున్నట్లు డైలీ మెయిల్ పత్రిక తెలిపింది.

సన్నగా వుండే వారిలో సెక్స్ హార్మోన్ ఈస్ట్రోజన్ తక్కువగా వుండి గర్భం ధరించేందుకు శరీరం సహకరించదని సుమారు 8 సంవత్సరాలలో తాము 2,500 మందికి టెస్ట్ ట్యూబ్ ఫలదీకరణలు చేసినట్లు ఒక టెస్ట్ ట్యూబ్ బేబీ నిపుణుడు చెపుతున్నాడు. మహిళ సన్నగా వుంటే గర్భం ధరించేటందుకు అవసరమైన కణాలు కూడా వుండవని, అధిక బరువు వలన వచ్చే నష్టాలకంటే కూడా సన్నగా వుండటంవలన ప్రెగ్నెన్సీలో వచ్చే నష్టాలు మరింత అధికమన్నారు.