అధిక బరువుకు కారణం అమ్మలే!

Pre Natal

oi-Nageswara

By B N Sharma

Published: Thursday, December 15, 2011, 9:29 [IST]

ప్రెగ్నెన్సీ సమయంలో తల్లి కనుక అధిక బరువు వుంటే పుట్టబోయే బిడ్డ సైతం అధిక బరువు కలిగి వుంటుందని, అది తర్వాత బిడ్డ జీవితంలో కూడా అధిక బరువుగానే కొనసాగుతుందని ఒక తాజా స్టడీ చెపుతోంది. బిడ్డ పుట్టినపుడు వుండే బరువుకు ప్రెన్నన్సీ ముందరి తల్లిబరువు... అంటే తల్లి బాడీ మాస్ ఇండెక్స్ మరియు ప్రెగ్నెన్సీలో పెరిగే బరువు రెండూ కూడా బేబీల బరువు నిర్ణయిస్తాయని స్టడీ వెల్లడి చేసింది.

పెద్దవారైన తర్వాత అధిక బరువు సంతరించుకోటానికి కారణాలలో పుట్టినప్పుడు వుండే బరువు సైతం ఒక ప్రధాన కారణంగా వుంటుంది. ప్రెగ్నెన్సీ ముందరి బరువు ప్రెగ్నెన్సీలోని బరువు, రెండూ కూడా పుట్టబోయే బిడ్డ బరువును నిర్ణయిస్తాయని తెలుస్తోంది. తల్లికనుక ప్రెగ్నెన్సీ ముందరే అధిక బరువు వుంటే, బిడ్డకు కూడా ఆ బరువు సంక్రమించటం ఖాయమని అధ్యయనకార్లు చెపుతున్నారు.

కనుక యువతులు తమ చిన్నతనం నుండే బాడీ మాస్ ఇండెక్స్ ను నియంత్రించుకుంటూ, ప్రెగ్నెన్సీ సమయంలో తగినంత బరువు మాత్రమే కలిగి వుండి, పుట్టబోయే బిడ్డకు సరైన బరువును ప్రసాదిస్తే, బిడ్డకు భవిష్యత్తులో అధిక బరువు, దాని సంబంధిత సమస్యలతో పని వుండదని కూడా రీసెర్చర్లు వెల్లడించారు.