అబార్షన్ కు అందుబాటు మార్గాలెన్నో...!

Pre Natal

oi-Nageswara

By B N Sharma

Published: Wednesday, October 12, 2011, 14:30 [IST]

అబార్షన్ నిర్ణయం ఎంత ప్రధానమైందో దాని కొరకు ఎంచుకునే పద్ధతి కూడా అంతే ప్రధానమైంది. అన్ని రకాల అబార్షన్ పద్ధతులూ సురక్షితమూ కాదు..వైద్యపరంగా ఆమోదించినవీ కావు. కొన్నిటికి సైడ్ ఎపెక్ట్స్ అధికంగా వుంటాయి. తొందరపాటు చర్యగా కాకుండా మీకు ఏ పద్ధతి సురక్షితమనేది ఆలోచించి అబార్షన్ చేయించుకోవాలి. సాధారణంగా ఆచరిస్తున్న కొన్ని అబార్షన్ పద్ధతులు పరిశీలించండి. అయితే ఇవన్నీ సురక్షితమనుకుంటూ ఆచరించకండి. ఇవన్నీ మీ సమాచారం కొరకు మాత్రమే. అవసరం మేరకు మీ గైనకాలజిస్టును సంప్రదించి నిర్ణయం తీసుకోండి.

1. క్యూరిటేజ్ - ఇండియాలో ఇటీవలి వరకు ఇది మాత్రమే వైద్య పరంగా ఆమోదించిన పద్ధతి. ఈ పద్ధతిలో శస్త్రచికిత్స ద్వారా అనవసరమనుకున్న పిండాన్ని ఒక పరికరంతో తొలగిస్తారు. తల్లి కాబోయే స్త్రీ గర్భాశయాన్ని పెద్దది చేసి బేబీని దాని నుండి తీసేస్తారు. ఇది 14 వారాల గర్భం లోపే సురక్షితం. అంతకు మించితే ప్రాణ హాని వుంటుంది.

2. పిల్ వాడకం - ఇది ఇటీవలే వాడుకలోకి వచ్చింది. బాగా ఆచరణకి వచ్చింది. గర్భం తీసేయాలంటే రెండు రకాల మాత్రలుంటాయి. గర్భ నిరోధ సాధనం ఏదీ వాడకుండా గర్భం వస్తుందన్న భయం వుంటే ఒక దానిని 48 గంటల్లో తీసుకోవాలి. మరో మాత్ర హార్మోన్ టాబ్లెట్. దీనిని రుతుక్రమం మిస్ అయిన వెంటనే లేదా గర్భం దాల్చిన 49 రోజులలోగా తీసుకోవాలి. అయితే, వీటిని రెగ్యులర్ గా వాడటం సైడ్ ఎఫెక్ట్ ఇస్తుంది. వైద్యుడి సలహా లేనిదే ఈ పిల్స్ తీసుకోకండి.

3. వాక్యూమ్ ఆస్పిరేషన్ - ఈ అబార్షన్ పద్దతి చాలా కాలం నుండే వుంది. జననాంగ భాగం నుండి బిడ్డ సంచిలోకి ఒక ట్యూబ్ పంపుతారు. ఆ ట్యూబ్ కు గల పదునైన అంచులు లోపలి వున్న బేబీని ముక్కలుగా కోసేస్తుంది. ఆట్యూబ్ ద్వారానే ముక్కలను బయటకు తెప్పిస్తారు. ఇది గర్భం ధరించిన 12 వారాల వరకు మాత్రమే సాధ్యం.

4. సర్జికల్ అబార్షన్ - ఈ పద్ధతి గర్భవతి అయిన తర్వాత ఏమైనా సమస్యలు వచ్చి పెద్ద ప్రాణానికి హాని అనుకుంటే చేస్తారు. ఇది చాలా వరకు సిజేరియన్ వంటిదే. అయితే ఈ పధ్ధతిలో బేబీ చనిపోయి బయటకు వస్తుంది. దీనిని శాశ్వత హిస్టరెక్టమీ గా కూడా భావించవచ్చు. ఎందుకంటే దీనిలో పాడైపోయిన గర్భాశయాన్ని, అండాలను కూడా తొలగిస్తారు. ఇది అత్యవసర లేదా తప్పని పరిస్ధితులలో మాత్రమే వైద్యులు చేయటానికి అంగీకరిస్తారు. మీకు ఏర్పడే పరిస్ధితులను బట్టి వైద్యుని సలహాపై మీరు ఆచరించాల్సిన అబార్షన్ కొరకు సమాచారంగా పరిగణించండి.