గర్భం పోతే మరో గర్భం ఎపుడు ధరించాలి?

Pre Natal

oi-Nageswara

By B N Sharma

Published: Thursday, October 13, 2011, 13:53 [IST]

ఒకసారి గర్భం పోయిందంటే మహిళ శారీరకంగాను, మానసికంగాను కొన్ని మార్పులకు లోనవుతుంది. బేబీ పోయిందన్న దిగులు ఆమెను మానసిక వేదనకు గురిచేస్తుంది. కనుక మరోమారు ఆమె ఎపుడు గర్భం ధరించాలి? మరోమారు గర్భం ధరించే ముందుగా జరిగిన విషాద సంఘటననుండి బయటపడేందుకు, ఆరోగ్య సమస్యల నుండి బయటపడేందుకు, మంచి ఆహారాన్ని తీసుకుంటూ, కొంతమేర ఆరోగ్యాన్ని పొందాలి. దీనికిగాను కొంత విశ్రాంతి కూడా కావాలి. బరువులు ఎత్తటం వంటివి చేయద్దు. రుతుక్రమం సరిగా వచ్చేలా చూడండి. పొత్తికడుపులో నొప్పి వంటివి అశ్రధ్ధ చేయక వైద్యం చేయించుకోండి.

ఒకసారి గర్భం పోయినవారికి మరోమారు గర్భవతి అవుతున్నానంటే కొద్దిపాటి భయం వుంటుంది. ముందు గర్భం పోయిన తర్వాత వచ్చిన సమస్యలన్నీ తగ్గాయా లేదా ధృఢపరచుకోవాలి. గర్భ విచ్చిన్నం తర్వాత అయ్యే రక్త స్రావం పూర్తిగా తగ్గిందా లేదా చూడండి. గర్భం ఒక సారి పోయిన తర్వాత కొంతకాలంపాటు మహిళ రతి పట్ల ఆసక్తి చూపదు. కనుక ఆ అంశంగా కూడా కొంతకాలం వేచివుండాలి. ఆమెతో చర్చించి పూర్తి అంగీకారంతో మరోమారు గర్భవతి అయ్యేటందుకు ప్రయత్నించాలి.

గర్భం పోయిన తర్వాత రుతుక్రమం సాధారణమయ్యేవరకు రతిక్రీడ ఆచరించకపోవటం మంచిది. శరీరం బలహీనమైనపుడు వెంటనే గర్భం ధరించటం మంచిదికాదు. ఒక వైపు గర్భం పోయిందన్న ఆందోళన మరోవైపు వెంటనే మరో బిడ్డ కావాలన్న ఆత్రుతలుంటాయి. అయితే, శరీర ఆరోగ్యానికి ప్రాధాన్యతనివ్వాలి. రుతుక్రమం సాధారణ స్ధితికి వచ్చిన తర్వాత, అండం విడుదల కూడా సాధారణంగా వుంటుంది కనుక తగు జాగ్రత్తలతో అపుడు మాత్రమే మరో గర్భం ధరించటం మంచిదిగా చెప్పవచ్చు.