ప్రెగ్నెంట్ మహిళ కాఫీ తాగితే....!

By Nageswara Rao

Published: Friday, December 2, 2011, 9:51 [IST]

Would Be Moms, Say No to Coffee at Cafes!

కాబోయే తల్లులు పేరొందిన హోటళ్లలో కేఫైన్ డోస్ అధికంగావుండే కాఫీలు తాగేస్తూ వారికి పుట్టబోయే బిడ్డకు రిస్కు కలిగిస్తున్నారని రీసెర్చర్లు తెలుపుతున్నారు. ప్రెగ్నెంట్ మహిళ రోజుకు 200 మి.గ్రా. కేఫైన్ అంటే నాలుగు కప్పుల కాఫీ మాత్రమే తీసుకోవాలని అంతకు మించితే గర్భ విచ్ఛిన్నానికి అవకాశం వుందని గ్లాస్గో యూనివర్శిటి రీసెర్చర్లు తెలుపుతున్నారు.

కాని ఒక్క కప్పు కాఫీలో 200 మి.గ్రా. నుండి 300 మి.గ్రా.వరకు కూడా కేఫైన్ వుంటోందని ఇది గర్భవతుల ఆరోగ్యానికే కాక పుట్టబోయే బిడ్డకు కూడా ఆరోగ్య సమస్యలు తెస్తుందని వారు తమ రీసెర్చిలో వెల్లడి చేశారు. పుట్టబోయే బిడ్డ లివర్, కేఫైన్ కరిగించాలంటే చాలా కష్టమని, పెద్ద వారిలో కేఫైన్ సగం స్ధాయికి కరగటానికి సాధారణంగా అయిదు గంటలు పడుతుందని, కొంత మందిలో కేఫైన్ పూర్తిగా జీర్ణమైపోవాలంటే కనీసం 30 గంటలు కూడా పడుతోందని వారు తెలిపారు.

గర్భవతి మహిళ తక్కువ స్ధాయిలో అంటే సురక్షితంగా రోజుకు నాలుగు కప్పులు కప్పుకు 50 మి.గ్రా. కేఫైన్ దాటకుండా ఇండ్లలో తయారు చేసే కాఫీ తీసుకోవచ్చని స్టడీ నిర్వహించిన డా. అలన్ క్రోజియర్ సిఫార్సు చేశారు.