పిరీయడ్స్ సమయంలో కూడా గర్భం ధరించే అవకాశం ఉందా?

Pre Natal

oi-Nageswara

By B N Sharma

Published: Wednesday, May 23, 2012, 9:49 [IST]

పిరీయడ్ సమయంలో సెక్స్ చేస్తే గర్భం వచ్చే అవకాశం వుంది. మీ పిరీయడ్ సమయం, మీ పిరీయడ్ రెండూ కూడా సురక్షిత సమయాలు కావు. కనుక పిరీయడ్ లేదా రుతుక్రమ సమయం అయినప్పటికి తగినంత సురక్షిత సాధనాలతో రతిక్రీడ ఆచరించాలి. పిరీయడ్ సమయంలో రతి చేస్తే గర్భం రాదనేది ఒక అపోహ మాత్రమే. గర్భాశయంలోకి రిలీజ్ చేసిన వీర్యకణాలు షుమారుగా అయిదు రోజులవరకు జీవించే వుంటాయి. కొంతమంది మహిళలు తమ రుతుక్రమ దశనుండి అయిదు రోజులలో అండం విడుదల చేసే అవకాశం వుంది. కనుక ఈ సమయంలో ఆమె గర్భవతి అయ్యే అవకాశాలు తప్పక వుంటాయి.

ఈ వాస్తవానికి కారణం కొంతమంది మహిళలకు రుతుక్రమం సైకిల్ లేదా సమయం చాలా తక్కువ కటిగి వుంటారు. అపుడు వారిలో అండోత్సర్గం పిరీయడ్ తర్వాత అతి తక్కువ కాలానికి వచ్చేస్తుంది. ఈ మహిళలకు తమ పిరియడ్ తర్వాత మరింత తక్కువ వ్యవధిలో అండోత్సర్గం జరుగుతుంది. అపుడు గర్భం ధరించే అవకాశాలు బాగా వుంటాయి. శరీరం రిలీజ్ చేసిన అండం పిరియడ్ లో కూడా వుండి వీర్యకణాలతో కలిసినపుడు లేదా వీర్యకణాలు అయిదురోజులవరకు జీవించి వుండి మీలో అండం విడుదలైనపుడు గర్భం ధరించే అవకాశం కలుగుతుంది.

మహిళ శరీరంలో పడిన వీర్యకణం అయిదురోజులవరకు గర్భాశయంలో జీవించివుంటుంది. కనుక పిరీయడ్ లో కూడా గర్భం ధరిస్తారు. రతిక్రీడ చేసిన రోజే కాక, నిలువ వుండిన వీర్యకణాలు మరో రోజున కూడా ఆమెకు గర్భం కలిగించవచ్చు. అది వింతగా మీకు కనిపించినప్పటికి ఒక వాస్తవం.
21 రోజులకే పిరియడ్ పొందే మహిళలలో అండోత్సర్గం 7 రోజులకే జరుగుతుంది. కనుక గర్భం వద్దనుకునేవారు గర్భ నిరోధక మాత్రలు తప్పక తీసుకోవాలి.

గర్భ నిరోధక మాత్రలు, లేదా ఇతర సాధనాలు వాడినంతకాలం, హార్మోన్లు మీ శరీరాన్ని పిరియడ్ సమయంలో కూడా వదలకుండా వుండి గర్భ నిరోధకత కలిగిస్తాయి. అయితే, గర్భ నిరోధక మాత్రలు మీకు సుఖ వ్యాధులనులేదా హెచ్ ఐ విని అరికట్టలేవని గ్రహించండి. కనుక ఈ వ్యాధులు రాకూడదనుకుంటే, కండోమ్ వంటి సురక్షిత సాధనాలు వాడాలి.